Siarhiej Astraŭcoŭ. Zamiest pomnika — plakat

Zamiest pomnika — plakat

Haradzienskaja moładź z Maładoha Frontu pačała viesnavy nastup pikietam 2 lutaha, na ŭhodki Kastusia Kalinoŭskaha

Spačatku na čyhunačnym vakzale prymacavali kvietki i bieł-čyrvona-biełyja stužki da pamiatnaj šyldy, zroblenaj u vyhladzie maleńkaj kaplički. Jaje adkryli ŭvosień 1995 h. pavodle rašeńnia haradzkich uładaŭ, pryniataha jašče za Šuškieviča. Na vakzale ŭ 1863 h. adbyŭsia boj pamiž paŭstancami i vajskovym adździełam.

Zatym u centry horadu na vuł.Savieckaj pierad «Domam savietaŭ» adbyŭsia pikiet. Adzin maładzion trymaŭ plakat: «Na hetym miescy pavinien stajać pomnik Kastusiu Kalinoŭskamu». Znoŭ ža, pavodle rašeńnia haradzkich uładaŭ dziesiacihadovaj daŭniny. Nie BNF tady jaho pryniaŭ, a sami ŭłady. Tamu milicyjantu, jaki źjaviŭsia na pikiecie, nie było za što začapicca. Jon tolki paprasiŭ školnika Jaŭhiena Andrejeva, jaki trymaŭ plakat, pajści ź im u rajadździeł, pierakonvajučy, što lepiej było b arhanizavać školny viečar, pryśviečany Kalinoŭskamu.

Na Savieckaj vulicy — na inšym domie, dzie była kanśpiratyŭnaja kvatera Kalinoŭskaha, ułady taksama chacieli prymacavać šyldu. Ale pierachacieli.

Pikiet, darečy, adbyŭsia pobač byłoj mužčynskaj himnazii, dzie vučyŭsia starejšy brat Kastusia Viktar.

Siarhiej Astraŭcoŭ