Raman Krajoviec. Adamoviča «zdała» žančyna
№ 6 (163), 7 — 14 lutaha 2000 h.
Adamoviča «zdała» žančyna
Biez čatyroch dzion dva miesiacy šukała milicyja Savieckaha rajadździełu stalicy paeta Słavamira Adamoviča. 8 lutaha pavinien byŭ skončycca termin, na praciahu jakoha pravaachoŭnyja orhany mieli prava vysunuć aŭtaru vierša «Ubiej priezidienta» abvinavačvańni ŭ arhanizacyi niesankcyjavanaha šeścia i spaleńnia rasiejskaha trykaloru 8 śniežnia 1999 hodu. Chutčej za ŭsio, Adamoviča tak by j nie znajšli, kab nia našy pilnyja hramadzianie. Kamendant internatu PTV-24, u jakim žyvie Słavamir, Halina Łukjanaŭna Michiejčyk, 4 lutaha «zdała» paeta ŭ ruki milicyi, što nazyvajecca, na samym uzychodzie sonca.
Paśla zatrymańnia padpalščyka ściaha dastavili ŭ sud Savieckaha rajonu, dzie Adamoviču sudździa Kazadajeŭ vynies prysud: 50.000 biełaruskich rubloŭ štrafu. Cikava, ci pierapadzie hramadziancy Michiejčyk z hetych štrafnych tysiačaŭ choć sotnia-druhaja?
Raman Krajoviec