Mikoła Kazłoŭski. Ukrainskija zhurtavańni na Bieraściejščynie — pa-za zakonam

Ukrainskija zhurtavańni na Bieraściejščynie — pa-za zakonam

Da pierarehistracyi na Bieraściejščynie dziejali 2 ukrainskija kulturna-aśvietnickija arhanizacyi: Ukrainskaje hramadzka-kulturnaje abjadnańnie (ad 1990 hodu) i «Prośvita Bieriestiejŝini» (ad 1995). Abiedźvium admoŭlena ŭ pierarehistracyi! Farmalnaja pryčyna — bo mielisia piśmovyja papiaredžańni (a ŭ kaho ich nie było?) za farmalnyja parušeńni (nieadpaviednaść formie viedamaściaŭ ab zapłacie siabroŭskich składak i h.d.), jakija, jak bač, byli vypraŭlenyja. Pavodle raniejšaha zakonu heta nie mahło słužyć pryčynaj dla zabarony arhanizacyi. Mabyć, sprava ŭ inšym.

Tak, V.Šejman u 1998 hodzie na «słuchańniach pa pravach čałavieka» zajaviŭ: «My nie dapuścim stvareńnia ŭ Bieraściejskaj i Haradzienskaj abłaściach svajho Kosava». A 7 krasavika 1999 hodu A.Łukašenka abviaściŭ, što palaki Haradzienščyny i ŭkraincy Bieraściejščyny majuć pravodzić źjezdy hramadzian polskaj i ŭkrainskaj nacyjanalnaściaŭ, na jakich buduć ahučanyja patrabavańni nadać im nacyjanalnuju aŭtanomiju. Paśla hetaha vystupu ŭ Bieraści miascovaj administracyjaj było zabaronienaje praviadzieńnie źjezdu ŭkraincaŭ Bieraściejščyny, a jahonych arhanizataraŭ zmusili źvieści źjezd da pamieraŭ kanferencyi 24 krasavika.

My abskardžvali rašeńnie pra pierarehistracyju ŭ sudzie, ale ničoha nie dabilisia: ukraincam faktyčna zabaroniena mieć svaju nacyjanalna-kulturnuju arhanizacyju.

Ukraincy źviartajucca da biełaruskaha paspolstva z zaklikam da salidarnaści j padtrymki.

My vierym u takuju Biełaruś, u jakoj było b miesca dla ludziej usich kultur i ŭsich movaŭ. Za abvinavačvańniami ŭ «separatyźmie» staić imknieńnie zrabić Biełaruś adnastajnaj kazarmaj. Bo tam, dzie raznastajnaść, tam i ciarpimaść, i svaboda.

Mikoła Kazłoŭski, Bieraście