Andrej Mialeška. Sustreča z kambatantami

Sustreča z kambatantami

U Horadni adbyłosia spatkańnie z veteranami Sajuzu Biełaruskaj Moładzi, Sajuzu Biełaruskich Patryjotaŭ, Navahradzkaha švadronu, Sajuzu Zmahańnia za Niezaležnaść, Biełaruskaj Krajovaj Abarony. Spatkańnie arhanizavała Haradzienskaja filija BSDH z udziełam moładzievaj spartova-patryjatyčnaj arhanizacyi «Kraj» pry padtrymcy Haradzienskaha adździaleńnia Fondu Sapiehi.

Pieršyja sproby sabrać siabroŭ SBM rabilisia jašče ŭ 1993 hodzie. Sioletniaja sustreča adroźnivałasia bolšaj kolkaściu zaprošanych. Sustreča raspačałasia himnam «My vyjdziem ščylnymi radami» ŭ vykanańni choru «Baćkaŭščyna», pad čas jakoha byŭ uniesieny ściah BNR.

Pieršym vystupiŭ Źmicier Kisiel, baćka jakoha Ŭładzimier Kisiel nie dažyŭ da hetaje sustrečy niekalki miesiacaŭ.

Asobu Ŭładzimiera Kisiala viedajuć u Biełarusi šmat ludziej. Udzielnik Sajuzu Zmahańnia za Niezaležnaść Biełarusi prajšoŭ savieckija kanclahiery ŭ Džezkazhanie, Kienhiry, turmu ŭ Horadni. Słova brali taksama Aŭhien Kałubovič, Mikoła Kanaš, siabar Łarysy Hienijuš. Jon pračytaŭ navat nieviadomy vierš paetki.

Moładzi ŭ zali Haradzienskaha BNF było šmat. Jana słuchała aptymistyčnyja słovy svaich «baćkoŭ i dziadoŭ». Taksama možna było pabačyć specyjalna pryhatavanuju da hetaje sustrečy słonimcam Siarhiejem Jaršom hazetu «Hołas kambatanta». Takija sustrečy mohuć stać tradycyjnymi.

Andrej Mialeška