BIBLIJATEKA
№ 6 (163), 7 — 14 lutaha 2000 h.
NOVYJA KNIHI, DASŁANYJA Ŭ REDAKCYJU
P.Kraŭčanka. Abrańniki viečnaści. — Miensk: Biełaruś, 1999. — 142 s.: ił. — Nakład 2000 as. ISBN 985-01-0304-3
Piatro Kraŭčanka — kolišni sakratar harkamu kampartyi, paśla pieršy ministar zamiežnych spravaŭ niezaležnaj Biełarusi, apazycyjaner, a paźniej pasoł u Japonii — raspaviadaje čytačam pra toje, jak spryjaŭ adkryćciu memaryjalnaje doški Skarynu ŭ Paduanskim universytecie, a taksama ŭšanavańniu pamiaci Michała Kleafasa Ahinskaha ŭ Flarencyi, dzie toj pražyŭ apošnija svaje hady j byŭ pachavany. Pra Skarynu Kraŭčanka piša pa-biełarusku, a pra Ahinskaha — pa-rasiejsku. Kniha vydadzienaja na dobraj papiery j maje ilustracyi. Cana ŭ vydaviectvie 800 tysiačaŭ.
V.Vychota. Niamiecka-biełaruskija moŭnyja paraleli. — Miensk: Encyklapedykst, 1999. — 208 s. — Nakład 250 as. ISBN 985-6599-01-6
Aŭtar robić sprobu kompleksnaha paraŭnańnia biełaruskaj i niamieckaj leksyki, frazealahizmaŭ, daje metadyčnyja parady dla vykładańnia niamieckaj movy ŭ biełaruskamoŭnych škołach. Boža, a kolki ž u nas hetych hiermanizmaŭ! Zdajecca, što ni słova...
Biełaruskaja nacyjanalnaja ideja: Prahramy j tezy mižnarodnaj navukova-praktyčnaj kanferencyi. Redaktar S.Domaš. Redakcyjnaja kalehija: A.Astroŭski dy inš. — Horadnia, 1999. — 56 s.
Redahavaŭ knihu były kiraŭnik Haradzienščyny.
Stanovlenije hraždanskoho obŝiestva v Biełarusi v kontiekstie ustojčivoho raźvitija: Matieriały Mieždunarodnoj naučno-praktičieskoj konfieriencii (Minsk, 24 — 26 maja 1999 h.). Pad redakcyjaj M.Paŭłava, T. Laskovaj. — Miensk: Tesej, 1999. — 128+120 s. — Nakład 300 s. ISBN 985-6454-57-3
Kniha padaje matarjały pa-rasiejsku i ŭ pierakładzie na anhielskuju movu. Pa-biełarusku źmieščany tolki tekst Paŭła Łojki, Valancina Mazca j Lavona Barščeŭskaha «Sproby stvareńnia pravavaj dziaržavy j hramadzianskaj supolnaści».
Ju.Zacharina. Zapadnojevropiejskoje iskusstvo epochi Vozroždienija: Učiebno-mietodičieskoje posobije dla sriednich učiebnych zaviedienij. — Miensk: BDPU imia M.Tanka, 1999. — 210 s. — Nakład 100 as.
Knihi čytaŭ Viktar Muchin