Siarhiej Maksimovič. Z draŭlanymi «Kałašnikavymi»
№ 9 (166), 28 lutaha — 6 sakavika 2000 h.
Z draŭlanymi «Kałašnikavymi»
23 lutaha pierad Haradzienskim universytetam adbyłasia karotkaja akcyja suprać słužby ŭ vojsku. Jaje praviali maładyja anarchisty.
Na vačach publiki sšychtavalisia šeść čałaviek z zaviazanymi ratami i šyldami na šyjach: «Prizyvnik 2000». Abapał apynulisia dva achoŭniki ŭ vajskovych šapkach i z aŭtamatami Kałašnikava — draŭlanymi, ale naturalnych pamieraŭ. Adzin ź ich vyhuknuŭ niešta pra vajskovuju słužbu. Sensu publika nia vielmi dapiała, pakolki ŭsia hramadka źnikła, nie čakajučy milicyi. Praŭda, niekatorym z prysutnych dastalisia ŭlotki. U tekście z sarkazmam havaryłasia pra toje, što moładź dziela «spakoju ajčyny» hatovaja iści ŭ vojska da «dziadoŭ», myć unitazy i «lizać dupu» kamandziram. Udzielniki ž nakiravalisia da harvajenkamatu, dźviery jakoha byli zamknionyja. Ale kali da ich vyjšaŭ sam vajenkam pałkoŭnik B.Skobieleŭ, maładziony nie ryzyknuli zajści da jaho na harbatku i chucieńka razyšlisia.
Siarhiej Maksimovič