Siarhiej Łukjanovič. Čykin pierakryje ORT
№ 28 (185), 10 — 17 lipienia 2000 h.
BT vačyma biełarusa
Čykin pierakryje ORT
Z 10 lipienia kanał ORT pačnuć pierakryvać biełaruskimi prahramami. Śpiarša ŭ efir paśla 12-j nočy pojduć naviny STV — staličnaje televizii. STV, jano ž ahienctva «Miensk-naviny» — dziaržaŭnaja arhanizacyja, padparadkavanaja harvykankamu. Kurataram jaje źjaŭlajecca Viktar Čykin. STV vypuskaje prahramu deidealahizavanych navinaŭ «24 hadziny», što raniej vychodziła na mienskim haradzkim «8 kanale», a taksama štotydniovy biuleteń «168 hadzinaŭ Miensku». Naviny na rasiejskaj movie, ale vielmi prafesijna zroblenyja. Nijakich kamentaroŭ nie padajuć, tolki infarmacyju — ad aficyjnaha paradu da pikietu TBM u abaronu biełaruskaj movy.
Hetak, staličnymi navinami, krainu buduć pryvučać, što ORT u Biełarusi moža j nia być. Mo j Zavadzkaha buduć vykarystoŭvać na budučym BT-2 u jakaści niavolnika?..
Siarhiej Łukjanovič