Rasiejski kryminał – strašnaja pahroza nia tolki paradku na biełaruskich vulicach, ale j samim asnovam eŭrapiejskaje cyvilizacyi...

Našyja ŭjaŭleńni pra “biełaruski kryminalny śviet”, “polski” ci “niamiecki kryminalny śviet” amal zaŭždy pierabolšanyja. U strachu i ŭ fantazii vialikija vočy. Biełaruski złačynny śviet – pravincyjnaja filija rasiejskaha. Polski j niamiecki proci rasiejskaha zdajucca prosta dziciačymi. A ŭ Rasiei realnaściu stali našyja samyja strašnyja ŭjaŭleńni. «Biespriedieł», zakon vulicy, nievierahodnaja žorstkaść pry niejmaviernaj kvapnaści, paharda da luboha zakonu i prava – božaha j čałaviečaha... Cełaja cyvilizacyja, vyhadavanaja na turemnych vartaściach, vyrasłaja z maskoŭskaje despatyi, z apryčniny, z carskaj kataržnaj Sibiry, ź vialikaj stalinskaj – na paŭkrainy, na paŭnarodu – zony. I ŭsio heta panuje, razmnažajecca, kultyvujecca.

Bolšaść biełarusaŭ, jak i bolšaść eŭrapiejcaŭ, viedaje Rasieju pa Maskvie, pa Krasnaj płoščy, pa Puškinskim muzei i Traćciakoŭcy. Varta pakinuć Maskvu, jak pačynajecca inšy śviet, dzie niama ni prava, ni zakonu. Nam heta dzika. Strašna čytać historyi, jakimi poŭnicca rasiejskaja presa. Vuścišna, ale treba. Kab viedać, z čym majem spravu.

Rasiejski kryminał – strašnaja pahroza nia tolki paradku na biełaruskich vulicach, ale j samim asnovam eŭrapiejskaje cyvilizacyi, ci nie najvialikšaja stratehičnaja pahroza biaśpiecy ŭ Eŭropie i śviecie. Mienavita heta mieła na ŭvazie pamočnica Džordža Buša pa nacyjanalnaj biaśpiecy Kondałajza Rajs, havoračy pra pahrozu śvietu, što sychodzić ad Rasiei. Z Rasiei pra Rasieju hetym razam piša ahladalnica Internet-hazety www.gazeta.ru Hanna Archipava.