Novyja knihi, dasłanyja ŭ redakcyju

---

Novyja knihi, dasłanyja ŭ redakcyju

 

M.Ramaniuk. Biełaruskija narodnyja kryžy / Rycht., padbor ił. i makiet Dz.Ramaniuka. – Vilnia: Naša Niva, Dzianis Ramaniuk, 2000. – 222 s.: ił. – Nakład 1500 as. ISBN 9955-437-08-1

Biełaruś: Fakty: Spravočnik / Avt.-sost. S.Samuel. – Miensk: VTAA «Kavaler pablišerz», 2000. – 448 s.: ił. – Nakład 1500 as. ISBN 985-6427-33-9

U daviedniku padajucca roznabakovyja źviestki pra žyćcio biełaruskaje dziaržavy: terytoryju, ekanomiku, dziaržaŭny ład, sacyjalnuju sferu, achovu zdaroŭja, adukacyju j navuku, knihavydavieckuju spravu, kulturnaje žyćcio, architekturu, relihiju, fizyčnuju kulturu j sport, turyzm. Dobra azdoblenaja kalarovymi fatazdymkami, kniha pryznačanaja dla zamiežnych turystaŭ i vydadzienaja na zamovu vystaŭnaha centru «Biełekspa».

P.Trus. Vybranyja tvory / Układ., pradm. i kament. H.Zapartyki. – Miensk: Biellitfond, 2000. – 384 s., (8) ił. – Nakład 4000 as. ISBN 985-6576-13-Ch

U knizie sabranyja ŭsie viadomyja na siońnia vieršy, paemy, prazaičnyja tvory, listy Paŭluka Trusa (1904–29). Dakumenty, źviazanyja z P.Trusam, dadajuć šmat cikavych štrychoŭ da malunku epochi savieckaje biełarusizacyi. U knizie ŭpieršyniu nadrukavana kolki cikavych fatazdymkaŭ samoha P.Trusa dy jahonych sučaśnikaŭ i nastaŭnikaŭ Ja.Bialkieviča, M.Hramyki, Ju.Drejzina, A.Krutaleviča, U.Kudreviča, Ja. i A.Losikaŭ, A.Mickieviča, M.Pijatuchoviča. Kaštujuć “Vybranyja tvory” 930 r. Nieŭzabavie ŭ “zialonaj” seryi “Biełaruskaha knihazboru” vyjdzie kniha navukovych prac i bijahrafičnych materyjałaŭ pra historyka Mikołu Ŭłaščyka.

A.Pietraškievič. Vola na kryžy: Histaryčnyja pjesy. – Miensk: Mastackaja litaratura, 2000. – 271 s. – Nakład 2000 as. ISBN 985-02-0437-0

U zbornik uvajšli histaryčnyja dramy j trahiedyi Alesia Pietraškieviča: «Hora j Słava», «Mieč Rahvałoda», «Napisanaje zastajecca», «Prarok dla Ajčyny», «Vola na Kryžy». Raju zvažyć na pjesu «Vola na Kryžy», pryśviečanuju dramatyčnamu žyćciu Janki Kupały dy intelihientaŭ u 1930-ja hh. Pjesa rychtavałasia na pakaz u Kupałaŭskim teatry. Sam nazoŭ «Vola na Kryžy» A.Pietraškievič uziaŭ z paemy Michasia Čarota «Bosyja na vohniščy». Kniha vydatna azdoblenaja i kaštuje ŭsiaho 800 r.

Zianon. Hloryja Patryja: Vieršy j fatahrafii 1980-ch hh. / Pad red. U.Arłova, Pradm. R.Baradulina, Mast. P.Dračoŭ. – Vilnia: Tav-va bieł. kultury ŭ Litvie, 2000. – Nakład 1000 as. ISBN 9986-9228-7-9

A.Hužałoŭski. Naradžeńnie biełaruskaha muzeju. – Miensk: Nacyjanalny archiŭ Respubliki Biełarusi, 2001. – 124 s.: ił. – Nakład 1000 as. ISBN 985-7372-17-8

Razhladajecca stanaŭleńnie muzejaŭ na etničnych abšarach Biełarusi pry kancy XIX – na pač. XX st. Kaštuje 1,5 t.r.

U.Karatkievič. Chrystos pryziamliŭsia ŭ Harodni: Raman. – Miensk: Biellitfond, 2000. – 496 s.: ił. – Nakład 5000 as. ISBN 985-6576-14-8

Słavutym ramanam U.Karatkieviča vydaviectva “Biellitfond” raspačało novuju knižnuju seryju “Biełaruski histaryčny raman”. Nastupnymi majuć źjavicca tvory: A.Paškieviča “Plac Voli” (pra Słucki zbrojny čyn 1920 h.), K.Tarasava “Pahonia na Hrunvald”, V.Ipatavaj “Załataja žryca Ašvinaŭ”. Cana pieršaje knihi seryi – 2,7 t.r.

Viktar Muchin