Paštovaja skrynka

 Paštovaja skrynka

Vitalu Z. ź Viciebsku. Pry rehularnym čytańni “NN” šmat što stanie dla Vas jaśniejšym.

Andreju S. ź Miensku. Hetyja hrošy lepiej achviaravać na “Padpisku siabra”.

Mikołu Ja. z Čudzieničaŭ. Staronki vieršavanaha radka daŭno nie drukavali, bo zusim mała vieršaŭ dasyłajuć nam u redakcyju apošnim časam.

Mary z Łuninca. Vy dasłali nam taki kštałt navukovaj fantastyki, jakomu miesca nia ŭ rubrycy “Biełaruś praz 100 hadoŭ”: “Za 100 hod prahresu čałaviectva, a razam ź im i Biełaruś, prajšli vielmi daloka ŭ svaim raźvićci. Ale raźvićcio hetaje pryniesła žudasnyja razbureńni j čałaviečyja achviary. Čarnobyl paŭtaraŭsia nia raz i nia dva. Uzrovień radyjacyi vielmi značna pabolšaŭ, asabliva na Paleśsi. Čałaviectva pastupova pačało vymirać. Asnoŭnaja kolkaść nasielnictva stała raźmiaščacca ŭ Viciebskaj vobłaści. Paŭdniovaja miaža respubliki paśla druhoha radyjenuklidnaha bumu stała prachodzić pa haradach Ašmiana-Maładečna-Łahojsk-Barysaŭ-Tałačyn-Vorša”. Zanadta heta ŭsio advolna i nielitaraturna.

Iharu S. z Kobrynia. Apaviadańnie “Skuła” nam nie padydzie. Nienaturalna.

Hienadziu T. z Homiela. Pra karalevu Bonu čytajecca zachaplalna, ale ŭ vyhladzie recenzii na knihi 12- i 16-hadovaj daŭniny hladzicca niedarečna. Pierarabicie heta ŭ artykuł ci ese.

Vincesiu M. z Połacku. “Sproba reinkarnacyi” — ese dla knihi, a nie dla hazety.