Na tydni

Na tydni

 

Dzicio vypała z kabiny

Trahičny vypadak adbyŭsia ŭ vioscy Vialikaja Hać, što na Ivaceviččynie. Mechanizatar miascovaha kałhasu ŭziaŭ z saboj u traktar trochhadovaha plamieńnika. Praź niezačynienaje zadniaje akienca kabiny chłopčyk vypaŭ, trapiŭ pad koły pryčepu i zahinuŭ.

Nachaba zahinuŭ na rejkach

Na peronie čyhunačnaj stancyi Ivacevičy mnohija pasažyry bačyli, jak da ścipłaha padletka čaplaŭsia nachabny junak. Pieršy, napałochany niepatrebnaj uvahaj da siabie, schapiŭ svaju torbu dy kinuŭsia ŭciakać cieraz rejki. Chulihan, student spartovaha fakultetu Bieraściejskaha peduniversytetu, pabieh śledam za im. Zachapiŭšysia pahoniaj, jon nie zaŭvažyŭ blizkaha lakamatyvu i trapiŭ pad koły.

Aleś Łaŭraniuk, Ivacevičy

Ašmiany—Ivianiec—Dudutki

11 žniŭnia halšanskaja moładź ździejśniła turystyčnuju pajezdku pa maršrucie Ašmiany—Ivianiec—Dudutki. Najbolšyja ŭražańni moładź atrymała ŭ Iviancy — stalicy biełaruskaj kieramiki. Asabliva ŭrazili vykładzienyja dachoŭkaj raznastajnyja nadpisy na damoch. Hetkich, da prykładu, jak “Žyvie Biełaruś!”. Taksama turysty paznajomilisia ź viadomym biełaruskim hančarom Antonam Prakapovičam, naviedali jaho majsterniu. Cikava, što ludzi zavuć svajo miastečka nie Ivianiec, a Ivieniec, z naciskam na druhi skład.

Taciana Astramovič, Halšany; B.T.

Hierajin na darozie

Na šašy Baranavičy—Kobryń zatrymany hramadzianin Rasieji N., jaki apošnim časam žyū u Baranavičach. Jon sprabavaū pradać 300 h hierajinu pieraapranutamu milicyjantu. Paśla zatrymańnia ū jahonym aūto było vyjaūlena jašče 302 h narkotyku. Ahułam heta “paciahnie” na 10 tysiačaū dalaraū.

Abvaryūsia chłopčyk

U Baranavičach 2-hadovy chłapčuk, hulajučy, uvaliūsia ū 10-litrovuju jomistaść z kipieniem, jakuju baćki pakinuli na padłozie. Atrymaūšy apioki 80% cieła, jon skanaū u špitali.

Naradžać

Amal miesiac u Baranavičach nia buduć naradžacca dzieci. U suviazi z ramontam radzilnaha domu ūsich ciažarnych transpartujuć ciapieraka ū Lachavičy. Tudy ž na troch aūto voziać baranavickich daktaroū. Lachavicki raddom prytulić baranaūčanak da siaredziny vieraśnia.Takija ramonty j transpartavańni pravodziacca štohod.

Kraduć kryžy

Pensijaner, pryjšoūšy na staryja baranavickija mohilki naviedać mahiłu syna, pabačyū, što zładzieji skrali kryž z nieržaviejki j bronzy vyšynioj 1,5 m.

Strajk u Baranavičach

U čaćvier 8 žniūnia na Baranavickim zavodzie stankapryładaū adbyūsia stychijny papieradžalny strajk. Rabotniki patrabavali vypłaty hrošaj, jakich nie atrymoūvajuć užo 2 miesiacy. Pradpryjemstva znachodzicca na miažy bankructva, ale kiraūnictva svoječasova atrymoūvaje zarobki, jakija dla takoha stanu i vysakavatyja. Kali hrošy nie pačnuć vypłačvać da kanca tydnia, pracoūny kalektyū paabiacaū pačać z paniadziełka doūhaterminovy strajk. U piatnicu hrošy pačali vydavać. Paniadziełak na zavodzie prajšoū spakojna.

Kasa ū boksie

Baranavickija pradprymalniki hatovyja z 1 vieraśnia dałučycca da ahulnanacyjanalnaha strajku. Akramia kasavych aparataū šmat kamu z tych, chto pracuje na centralnym rynku, daviadziecca nabyvać žaleznyja boksy za 1200 dalaraū. U tych zaharadkach byccam by možna ūstaloūvać kasavyja aparaty j pakidać tavar na noč. Cana boksu, jak ličać pradprymalniki, zavyšanaja ū niekalki razoū.

Rusłan Raviaka, Baranavičy

Cana lodu

230 miljonaŭ rubloŭ vinien homielski Ladovy pałac za kamunalnyja płaciažy. Tamu zaniatki ŭ im stanuć płatnyja.

BiełaPAN

Pucin horšy za Stalina

“Navat Lenin i Stalin nie dadumalisia da taho, kab razdrabić respubliku i ŭklučyć u skład SSSR ci RSFSR”, — zajaviŭ Łukašenka padčas sustrečy z kiraŭnikom Dahiestanu Mahamiedali Mahamiedavym.

U Rasiei katastrofy

Čačenskija partyzany rakietaju źbili rasiejski hruzavy hielikopter. Jon upaŭ na minnaje pole, ustanoŭlenaje rasiejcami dla abarony svajoj vajskovaj bazy Chankała. U vyniku zahinuła 114 vajskoŭcaŭ. Hielikopter Mi-26 nazyvajuć jašče “sarajem”, h.zn. “aboraj” (33,72 m daŭžyni, 8,15 m vyšyni), jon moža brać na bort 20 t hruzu ci 150 pasažyraŭ.

U Maskvie ŭ vyniku vybuchu hazu ŭ starym domie zahinuli 8 čałaviek. Piacipaviarchovik razburany.

U sieradu kilery zabili deputata Dumy Ŭładzimiera Hałaŭlova, blizkaha da B.Bierazoŭskaha. Hety siomy deputat federalnaje Dumy, zabity ŭ Rasiei za apošnija 10 hadoŭ.

Surynt pradstaviŭ Zajčanku

Načalnik Hałoŭnaha štabu, pieršy namieśnik kamandujučaha suchaputnymi vojskami hienerał-major Lucyjan Surynt pryznačyŭ novym kamandziram 38-j mabilnaj bryhady, što ŭ Bieraści, pałkoŭnika Jaŭhiena Zajčanku. Čamu źniaty padpałkoŭnik Sachaščyk, jaki ŭznačalvaŭ bryhadu dahetul, nieviadoma.

13 biełaruskamoŭnych škoł
u Miensku

U Miensku siońnia naličvajecca 13 biełaruskamoŭnych škołaŭ i himnazijaŭ z roznymi specyjalizacyjami. Jašče ŭ 10 škołach isnujuć biełaruskamoŭnyja klasy.

Navučalny hod — da lipienia

Z novaha navučalnaha hodu škoły masava piarojduć na piacidzionku. Razam z tym navučalny hod u škołach planujecca padoŭžyć da kanca červienia. U specškołach, himnazijach i licejach dzieci pa-raniejšamu buduć vučycca 6 dzion u tydzień. Viedy ŭsich školnikaŭ buduć aceńvać pa 10-balnaj systemie. Dla spraščeńnia navučalnych planaŭ skasujuć častku pradmietaŭ.

Zamiest Vołkava — Papko

Źmianiŭsia kiraŭnik adnaho z najbahaciejšych pradpryjemstvaŭ Biełarusi — Mienskaha zavodu kołavych ciahačoŭ, što pracuje ŭ składzie rasiejska-biełaruskaje finansava-pramysłovaje hrupy “Abarončyja systemy”. Uładzimier Vołkaŭ pajšoŭ u adstaŭku pa ŭłasnym žadańni. Vykanaŭcam jahonych abaviazkaŭ pryznačany techdyrektar pradpryjemstva Anatol Papko.

Nia stała Valancina Płučaka

Heta byŭ vydatny režyser ź biełaruskimi karaniami, jaki šmat hadoŭ pracavaŭ u maskoŭskim Teatry satyry. Jon byŭ apošni žyvy z aktoraŭ Miejercholda, stryječny brat Pitera Bruka. Ich supolny dziadźka byŭ architektaram u Dźvinsku.

Vykarystanaja infarmacyja BiełaPAN, gazeta.ru, gazeta.pl i ŭł.kar.