«Atlantica» pierastała nahadvać «Modern Talking».
Dyskahrafija. Atlantica. Urbanoid. West Records, 2007
Adasłaŭšy druhoha vakalista reklamavać «Vełkam», pradusary zaprasili dvuch novych udzielnikaŭ, u vyniku «Atlantica» pierastała nahadvać «Modern Tolking».
Druhi poŭnafarmatny albom ad samaha paśpiachovaha anhielskamoŭnaha prajektu ź Biełarusi. Adasłaŭšy druhoha vakalista reklamavać «Vełkam», pradusary zaprasili dvuch novych udzielnikaŭ, u vyniku «Atlantica» pierastała nahadvać «Modern Talking».
Ich albom hučyć dosyć prystojna. Apakaliptyčny pačatak pierachodzić u cudoŭnuju hitarnuju baladu «Flowers» (hraje Siarhiej Ancišyn). Zahałoŭnaja «Urbanoid» z pretenzijaj na ŭzorny elektra‑pop. Jany zusim nie hladziać u bok Rasiei, aŭtarytety dla ich, vidać z usiaho, Devid Boŭi pačatku 80‑ch, Kraftwerk, pijaner techna DJ Bobo i, naturalna, «depiešy».
Zvyčajna, kali biełaruskija pop‑artysty biarucca za stvareńnie anhielskamoŭnych hitoŭ, vychodzić zusim užo nijakavata: «biełaruskaść» vydajuć najpierš pustyja biezhustoŭnyja aranžyroŭki. «Atlantica» pazycyjanuje siabie pa‑za zaimšełaj biełaruskaj estradaj i ŭsimi siłami namahajecca pakazać svaju «eŭrapiejskaść» (zvodzili materyjał na anhielskaj studyi). Niachaj nie zaŭždy atrymlivajecca — šeravaty hołas vakalista i tupavaty bit u niekatorych trekach nadta ŭžo napružvajuć, ale jość i cikavyja prydumki (jak francuskaja versija «Alpha et Omega»). «Atlantica» vykonvaje pop‑muzyku dla zamožnych i adukavanych, ale nie dla śviadomych i prasunutych.