Milinkievič jedzie pa krainie
Ad siońnia lider demakratyčnych sił Biełarusi Alaksandr Milinkievič raspačynaje pajezdki pa ŭsich rehijonach Biełarusi.
Ad siońnia lider demakratyčnych sił Biełarusi Alaksandr Milinkievič raspačynaje pajezdki pa ŭsich rehijonach Biełarusi. Sustrečy z aktyvistami, žycharami haradoŭ i miastečak, abmierkavańnie miascovych prablem i ahulnaj situacyi ŭ krainie, a taksama dalejšaje stvareńnie jašče bolš razhalinavanaj sietki narodnaha Ruchu «Za Svabodu», stanuć hałoŭnymi metami pajezdki pa Biełarusi.
— Jak i padčas minułaj prezidenckaj kampanii, ja budu imknucca zajechać u kožny kutok našaj Baćkaŭščyny, kab parazmaŭlać z prostymi ludźmi, daviedacca pra ich turboty, ich štodziennyja prablemy i pastaracca ich ŭ budučym vyrašyć, — adznačyŭ palityk.
— Mienavita takija pajezdki i sustrečy źjaŭlajucca adzinaj mahčymaściu daviedacca pra realnuju situacyju, pra realnaje stanovišča hramadzian ŭ našaj krainie. Heta taksama sproba vyrašyć isnujučyja rehijanalnyja prablemy šlacham pryciahnieńnia da ich uvahi zboku prostych žycharoŭ i mižnarodnaj hramadskaści. Prykładam tut moža słužyć hramadskaja kampanija ŭ abaronu Harodni, jakuju raspačaŭ i jakoj vielmi aktyŭna zajmajusia sumiesna ź inšymi hramadskimi i palityčnymi aktyvistami Ruch «Za Svabodu».
Vizit lidera demakratyčnych sił pa Biełarusi pačynajecca z Hrodzienščyny, dzie prachodzić kampanija «Abaronim Harodniu».