Alea jacta est
Vyznačylisia supierniki handbolnaj zbornaj Biełarusi na čempijanacie Eŭropy – 2008.
Uviečary 22 červienia ŭ Osła (Narvehija) prajšło losavańnie finalnaj stadyi čempijanatu Eŭropy pa handbole. Kantynentalnaje pieršynstvo projdzie ŭ studzieni 2008 h. u hetaj krainie.
Zbornaja Biełarusi (hałoŭny trenier – Spartak Miranovič) trapiła ŭ hrupu «S». Razam z nami buduć hulać čempijon śvietu – 2007 zbornaja Niamieččyny, a taksama Hišpanii i Vuhorščyny.
Svoj pieršy matč biełarusy praviaduć sa zbornaj Niamieččyny, za jakuju vystupaje były hulec zbornaj Biełarusi Andrej Klimaviec. Druhi supiernik – hišpancy, potym – madziary.
Hrupa «A»: Charvatyja, Słavienija, Polšča, Čechija.
Hrupa «V»: Danija, Rasieja, Narvehija, Čarnahoryja.
Hrupa «D»: Francyja, Iślandyja, Słavaččyna, Švecyja.
U nastupny raŭnd vychodziać pa try najlepšyja kamandy z kožnaje hrupy.
Nahadajem, što zbornaja Biełarusi ŭpieršyniu za 14 hadoŭ budzie hulać na kantynentalnym pieršynstvie.