Eŭraźviaz investuje ŭ daśledavańni mienš za kankurentaŭ
Z 2001 hodu ŭ EZ źnižajecca dola investycyjaŭ u sferu daśledavańniaŭ i raźvićcia
11 červienia Eŭrapiejskaja Kamisija apublikavała daśledavańnie «Asnoŭnyja statystyčnyja dadzienyja raźvićcia navuki, techniki j inavacyj u EZ», u jakim zaklikaje da pavieličeńnia finansavańnia daśledčyckaj sfery.
Zhodna z zaklučeńniami Eŭrapiejskaj Kamisii, z 2001 hodu ŭ EZ źnižajecca dola investycyjaŭ u sferu daśledavańniaŭ i raźvićcia (research and development, R&D) u ahulnaj struktury VUP. U toj ža čas, śćviardžaje Kamisija, asnoŭnyja ekanamičnyja kankurenty EZ — Japonija, Kitaj i Paŭdniovaja Kareja — značna pavialičyli investycyi ŭ daśledavańni. Adstavańnie EZ ad ZŠA ŭ hetym sektary zastajecca istotnym, śćviardžaje Kamisija.
Pavodle dadzienych Eŭrapiejskaj Kamisii, na siońniašni dzień na EZ prychodzicca 25% suśvietnych investycyjaŭ na sferu daśledavańniaŭ i raźvićcia; dziesiać hadoŭ tamu hetaja dola składała 29%. U 2005 hodzie EZ investavaŭ u hetuju sferu tolki 1,84% VUP, u paraŭnańni z 2,67% u SŠA i 3,17% — u Japonii.