Pinsk sprastujuć

Novym hienplanam horadu praduhledžanaje zmahańnie z pakručastaściu. U centry horadu źniasuć tuzin damoŭ i Pinsk možna budzie prajechać naskroź biez pavarotaŭ.

Novym hienplanam horadu praduhledžanaje zmahańnie z pakručastaściu. Raniej kab pierasiačy horad z poŭnačy na poŭdzień pa Pieršamajskaj vulicy treba było ŭziacca za baranku adzin raz — pierad mostam cieraź Pinu. Ciapier ad hetaj niazručnaści aŭtamabilistaŭ pazbaviać. U centry horadu źniasuć tuzin damoŭ i Pieršamajskaja stanie idealna prostaj.

Hienieralny płan raźvićcia Pinsku na bližejšyja dziesiacihodździ praduhledžvaje radykalnyja źmieny ŭ jahonaj centralnaj častcy.

U pryvatnaści, płanujecca znos dvuch žyłych damoŭ pa vulicy Zavalnaja i cełaha dziasiatka pa pravym baku Pieršamajskaj na učastku ad restarana «Zara» da budynka Pinskaha adździaleńnia Nacbanku. Pa vyzvalenaj terytoryi projdzie aŭtadaroha, jakaja złučyć vulicy Pieršamajskuju i Białova.

Takim čynam vyjezd na most praź Pinu ŭ histaryčnaj častcy horada budzie mahčymy biez «zatoraŭ» i pavarotaŭ, jakija mohuć stamić. Administracyja horada ŭžo pačała zajmacca paetapnym vysialeńniem žycharoŭ z damoŭ, jakija buduć źniesienyja. Niekatoryja ź ich źniknuć z mapy Pinsku ŭžo da kanca biahučaha hodu, piša «Viačerni Brest».

Pavodle Radyjo Racyja

Kamientary da artykuła