Kali ciapierašniaja dziaržava ličyć Hienijuš voraham, značyć heta nie biełaruskaja dziaržava, miarkuje historyk Michaś Čarniaŭski
Viarchoŭny sud čarhovy raz admoviŭ u adkaz na chadajnictva Biełaruskaha Chielsynskaha kamitetu ab reabilitacyi Łarysy Hienijuš.
Historyk Michaś Čarniaŭski, jaki apiakujecca spadčynaj paetki, ličyć, što reabilitacyja mieła sens, kali paetka była žyvaja: «Jašče Maksim Tank nastojvaŭ, kab jana padała zajavu na hramadzianstva. Tady b jaje možna było pryniać u Sajuz piśmieńnikaŭ, dać kvateru ŭ Miensku, prypisać da piśmieńnickaj palikliniki, adpravić u piśmieńnickuju sanatoryju ŭ Kaktebel. Adnak paetka na pakłon da ŭładaŭ nie pajšła.
Niama patreby reabilitavać jaje ciapier, bo jana pracavała ŭsio žyćcio na pabudovu niezaležnaj biełaruskaj dziaržavy. I kali siońniašniaja dziaržava ličyć jaje voraham, dyk heta nie biełaruskaja dziaržava. Nichto ž nie pačynaje reabilitoŭvać savieckich partyzanaŭ, jakija ŭ vačach fašystaŭ byli bandytami, bo vajavali nia ŭ formie. Ni pra jakuju reabilitacyju nia moža iści j havorki: Łarysa Hienijuš nie zrabiła złačynstva».
9 žniŭnia ŭ Zelvie budzie adznačacca dzień narodzinaŭ Hienijuš. Budzie panichida ŭ carkvie, vystupy bardaŭ i haradzienskaha choru «Baćkaŭščyna».