ekanamičnaja chronika
MAZ—MAN pierajšoŭ da aŭstryjcaŭ
Suzasnavalnica SP «MAZ—MAN» ź niamieckaha boku, kampanija «MAN Nutzfahrzeuge AG», pradała 43% svajoj doli akcyjaŭ aŭstryjskaj kampanii, nazva jakoj, pavodle damoŭlenaści, nie paviedamlajecca. U firmy MAN zastałosia 10% akcyjaŭ, adnak ź liku suzasnavalnikaŭ jana nia vyjdzie. MAZ pa-raniejšamu maje 41%. Adbylisia źmieny i ŭ kiraŭnictvie «MAZ—MAN». Im ciapier kiruje biełarus. U pieršym paŭhodździ pradpryjemstva ŭpieršyniu atrymała prybytak. Paśla «Pryjorbanku» i brovaraŭ, heta treciaja sfera, kudy pryjšoŭ aŭstryjski kapitał.
«Biełtranshazam» nie handlujuć
Ažno na 13,2% źniziŭsia ŭ lipieni abjom aperacyjaŭ z veksalami «Biełtranshazu» na Biełaruskaj valutna-fondavaj biržy. Na heta paŭpłyvała niapeŭnaść vakoł pieramovaŭ z «Hazpromam».
Emisija 1:25
Biełaruś dy Rasieja buduć mieć «roŭnyja» pravy na emisiju rasiejskich rubloŭ — nie 1:1, a praparcyjna svaim VUP, 1:25. Pra heta damovilisia bankiry 1 žniŭnia ŭ Pieciarburzie na pasiedžańni Mižbankaŭskaje valutnaje rady. Praŭda, pryncypovaje zhody na valutny sajuz pakul niama.
Uboračnaj kamanduje premjer
Pieravozčykaŭ ziernia vyzvalili ad płaty za karystańnie šašoju Bieraście—Maskva na čas žniva. Siarhiej Sidorski zahadaŭ źbirać uradžaj z 7-8% płoščaŭ štodzionna, a da 8 žniŭnia raźličycca z zamiežnymi pastaŭščykami enerharesursaŭ.
Zavodu pahražaje bankructva
Viciebskamu alejeekstrakcyjnamu zavodu pahražaje bankructva. U 2000 h. pradpryjemstva addało na zachavańnie Homielskamu tłuščavamu kambinatu 600 tys. tonaŭ aleju na 3,4 młrd rub. I ni tavaru nazad, ni hrošaj za jaho nie dačakalisia. U vyniku nia zdoleli addać «Biełarusbanku» kredyt. Zapazyčanaść pradpryjemstva — pad 6 młrd rub. Niama srokaŭ na zakup syraviny: lonu i rapsu.
Berlin pierajšoŭ na ličbu
Berlinskaja ahlameracyja pieršaj u śviecie całkam pierachodzić na ličbavy telesyhnał. Heta dazvolić pazbycca vialikaj anteny na dachu, abmiežavaŭšysia pakajovaj. Adnak kab televizar prymaŭ hety syhnał, treba padklučyć da jaho dekoder dla naziemnaj ličbavaj televizii. Kaštuje takaja pryłada 100—300 eŭra, i na momant pierachodu na «ličbu» kala 20 tys. siemjaŭ, što majuć zvyčajnyja televizary, jašče nie nabyli dekodera. Ale bolšaść niemcaŭ heta mała turbuje — jany karystajucca kabelnaj TV (54%) i «talerkami» (33%), jakija prymajuć ličbavy telesyhnał i biez dekodera. Ličbavy syhnał pieradajecca lahčej, što dazvolić našmat pavialičyć kolkaść pieradavanych kanałaŭ.
Amerykancy šukajuć tannych pracaŭnikoŭ
U najbližejšyja miesiacy kožny dziasiaty amerykanskii prahramist moža stracić pracu na karyść specyjalista z Azii ci Ŭschodniaj Eŭropy. Užo pry kancy 2004 h. kampanija «IT» pieranosić 500 tys. pracoŭnych miescaŭ u krainy, dzie rabočaja siła kaštuje mieniej. Na ŭschod pahladajuć i kampanii, što pracujuć u sferach sučasnych technalohijaŭ, farmaceŭtyki.
AK, BiełaPAN, AFN