Pošta redakcyi
Jak na ANT muzyku vybirali
U paniadziełak 28 lipienia pa ANT pakazali čarhovaje tok-šoŭ «Vybar». Jak i lubyja vybary ŭ nas, hety byŭ niesurjozny i ni ad čoha nie zastrachavany. Viadučy i toj byŭ ździŭleny: 9822 hałasy ŭ kancy pieradačy. Ja prahałasavaŭ try razy. Kali hałasavańniu addacca ŭsioj dušoj, dyk całkam realna za žyvy eter addać sotniu svaich hałasoŭ i stolki ž razoŭ pačuć padziaku na čystaj ci nie zusim čystaj rasiejskaj movie.
A hałasavali na hety raz na temu «Ci zaŭvažyli Vy, što na radyjo stała bolej biełaruskaj muzyki?». Maŭlaŭ, dobraj biełaruskaj muzyki šmat, i jana na radyjo z ranku da nočy, ale na rasiejskuju nadta padobnaja (niešta takoje skazaŭ viadučy na raźvitańnie). Moža, takoj muzyki i stała bolej, ale ja jaje biełaruskaj nie liču. Kolki spadziavanak na šaniec pačuć rodnuju muzyku maju, u rozny čas pieraklučajučy pryjmač na ŭsie biełaruskija FM-chvali, ale «nie płaċ, Alisa…»
Padčas pieradačy niechta spraviadliva zaznačyŭ: «U nas usie stancyi na adzin kapył». Chočacca spadziavacca, što sapraŭdy na radyjo «Mir», jak skazali supracoŭniki hetaje stancyi, užo hučyć 50% rodnych ci amal rodnych tvoraŭ. Ale niešta padazronaje: u zajaŭkach na hetaj stancyi paśla adpaviednaha zahadu kožny druhi vybiraje biełaruskaje.
Vysnova prostaja dla ŭsich: stvarajma jakasnaje! Prablem nia budzie. A jak ža ŭłady? — spytajucca niekatoryja. Stvarajma jakasnaje!
Vypadkovy hladač ANT