Sud pa spravie Jurasia Alejnika adbudziecca 4 lipienia
U časie siońniašniaj sustrečy bakoŭ vydaliła z pamiaškańnia hramadzkaha abaroncu Aleha Hułaka.
Pavodle zahadu sudździ Prakapovič pradstaŭnik Akademii kiravańnia pradstaviŭ nieabchodnyja dakumenty, siarod jakich kopija Statutu navučalnaj ustanovy, zahady ab zaličeńni na vučobu i adličeńnia Jurasia Alejnika, pratakoły pasiedžańniaŭ i h.d. Sudździa vydaliła z pamiaškańnia hramadzkaha abaroncu Aleha Hułaka na toj padstavie, što toj nibyta nia maje paŭnamoctvaŭ pradstaŭlać intaresy studenta ŭ sudzie.
Juraś Alejnik nastojvaje, što jahonaje adličeńnie śviedčyć pra dyskryminacyju i parušeńn jaho kanstytucyjnych pravoŭ. Na jaho dumku, kab davieści fakt dyskryminacyi, sud pavinien aznajomicca z vučebnymi žurnałami ŭsich hrupaŭ 4‑ha kursu Akademii.
Sudździa Prakapovič paviedamiła, što rašeńnie ab takoj ekspertyzie budzie pryniataje ŭ časie bližejšaha sudovaha pasiedžańnia. Jano adbudziecca 4 lipienia ŭ sudzie Kastryčnickaha rajonu (vuł. Siamaška, 33) ŭ 14.00, kab. 2106.