Parlamenckija vybary projduć 12 kastryčnika 2008 h.
«Vosień źjaŭlajecca najbolš zručnym, aptymalnym z arhanizacyjnaha punktu hledžańnia časam praviadzieńnia vybaraŭ», — miarkujuć u Centravybarkamie.
Jon zaznačyŭ, što parłamienckija vybary pavinny być pryznačany nie paźniej čym za čatyry miesiacy da dnia zakančeńnia paŭnamoctvaŭ ciapierašniaha sklikańnia parłamienta (15 listapada 2008 hoda). Pavodle słoŭ M.Łazavika, apošniaja mahčymaja data praviadzieńnia vybaraŭ — 15 kastryčnika 2008 hoda. «Pakolki hety dzień źjaŭlajecca pracoŭnym, a najbližejšaja da jaho niadziela — 12 kastryčnika, to hetaja data, chutčej za ŭsio, i budzie prapanavana Centrvybarkamam prezidentu dla pryznačeńnia čarhovych vybaraŭ u Pałatu pradstaŭnikoŭ», — patłumačyŭ sakratar CVK.
Pavodle słoŭ M.Łazavika, kastryčnik — całkam prydatny čas dla praviadzieńnia vybarčaj kampanii. «My ŭžo ŭpeŭnilisia, što vosień źjaŭlajecca najbolš zručnym, aptymalnym z arhanizacyjnaha punktu hledžańnia časam praviadzieńnia vybaraŭ», — dadaŭ jon.