Vyjšaŭ 560‑y tom Metryki VKŁ
U Biełarusi apublikavanaja 560‑ja kniha Metryki Vialikaha kniastva Litoŭskaha, padrychtavanaja da druku supracoŭnikam Instytutu historyi NAN Aleham Dziarnovičam.
U Biełarusi apublikavanaja 560‑ia kniha Metryki Vialikaha kniastva Litoŭskaha, padrychtavanaja da druku supracoŭnikam Instytutu historyi NAN Aleham Dziarnovičam.
Kniha ŭtrymlivaje apisańnie miežaŭ VKŁ ź Livonijaj, składzienaje ŭ 1542 h. čynoŭnikami VKŁ Ivanam Hlebavičam Korsakam i Janam Kmicičam Sakałovičam. Usie dakumenty knihi napisanyja pa‑starabiełarusku.
Vydańnie padrychtavanaje pa ekzemplary knihi, jaki zachoŭvajecca ŭ Rasiejskim dziaržaŭnym archivie staražytnych aktaŭ u Maskvie. Kniha maje padrabiazny archieahrafičnaje i paleahrafičnaje apisańnie, navukova‑daviedačny aparat. Knihi Metryki VKŁ vydajucca, akramia Biełarusi, taksama ŭ Litvie, Polščy, Rasiei i Ukrainie. Pry hetym praviły vydańnia i tranśliteracyi staražytnych tekstaŭ nie unifikavanyja. Biełaruski historyk vyrašyŭ padčas padrychtoŭki knihi da druku zachavać u tekście ŭsie staražytnyja kiryličnyja litary, što ŭžo vyjšli z užytku.
U Biełarusi vyvučeńnie knih Metryki VKŁ ažyviłasia ŭ 90‑ia, kali Nacyjanalny histaryčny archiŭ atrymaŭ kalekcyju mikrafilmaŭ bolš čym 580 knih. Usaho da 560‑j knihi biełaruskija navukoŭcy vydali 16‑iu (jašče ŭ 1928 h.), 28‑iu, 43‑iu, 44‑iu, 46‑iu i 523‑iu knihi Metryki.