Biełaruś—Arhientyna
9—11 krasavika ŭ čverćfinale Kubku Devisa Mirny, Vaŭčkoŭ, Šviec i Karatčenia sustrenucca z arhientynskaj zbornaj — adnoj z najmacniejšych tenisnych zbornych śvietu. Tamu ordeny «Za asabistuju mužnaść», jakija byli ŭručanyja Mirnamu j Vaŭčkovu napiaredadni, vyhladajuć jak avans. Praŭda, Hiljerma Koryja, 4-ja rakietka śvietu, praz traŭmu nia budzie brać udziełu ŭ hulniach — kali, viadoma, jon nie nadumaŭsia skarystacca «taktykaj Vaŭčkova» j niečakana źjavicca na korcie ŭ samy vyrašalny momant. Z pryčyny traŭmy nie pryjechaŭ i David Nałbandzian. Honar Arhientyny buduć adstojvać Ahustyn Kalery (27 hadoŭ, 13-je miesca ŭ rejtynhu Asacyjacyi tenisystaŭ-prafesijanałaŭ), Lukas Arnold (29 hadoŭ, 21-je miesca ŭ parnym razradzie) (na fota: paśla prybyćcia ŭ Miensk). Traŭmavanych lideraŭ zamianili 20-hadovy Chuan Manaka (83-je miesca) i 26-hadovy Hiljerma Kanas (23-je miesca). Trymajem kułaki za našych!