Liceju admovili
Vykładčyki začynienaha ŭładami Biełaruskaha liceju nie dabilisia mahčymaści dziejničać lehalna. Upraŭleńnie justycyi Mienharvykankamu nie zarehistravała hramadzkaha abjadnańnia «Biełaruskaja humanitarnaja adukacyja — XXI st.».
Uvosieni ŭłady admovilisia rehistravać hramadzkaje abjadnańnie «Biełaruski licej». Suprać vystupiła Ministerstva adukacyi: maŭlaŭ, słovam «licej» moža paznačacca tolki navučalnaja ŭstanova. Tady nastaŭniki padali ŭ orhany justycyi dakumenty ad «Biełaruskaj humanitarnaj…». Čatyry miesiacy spatrebiłasia jurystam, kab admović: nibyta nazva nie adpaviadaje art.12 «Zakonu ab hramadzkich abjadnańniach».
«U pryvatnaj hutarcy juryst nam patłumačyŭ, što słova «biełaruski» nie adpaviednaje dla haradzkoj arhanizacyi. Ale my ad jaho admaŭlacca nie źbirajemsia, bo našaja asnova — mienavita biełaruskamoŭnaja adukacyja», — kaža prafesar Michaś Tyčyna, staršynia inicyjatyŭnaj hrupy. Vykładčyki majuć abskardzić rašeńnie ŭ haradzkim sudzie.
AŠ