Viktara Šejmana sa spravazdačaj
Kožny raz, kali dyktar «Panaramy» paviedamlaje: «Siońnia prezydent Respubliki Alaksandar Łukašenka pryniaŭ z dakładam hieneralnaha prakurora Viktara Šejmana», — tysiačy ludziej zamirajuć kala televizaraŭ.
Nia tolki ludziej maleńkich — biezabaronnych pierad kožnaj čarhovaj dyrektyvaj ab pavyšeńni adkaznaści za prypiski na kambikormavych zavodach. A i ludziej vialikich. Pryniali Šejmana — uzbudžanaja sprava suprać Kazulina. Pryniali jašče raz — sieŭ hanarysty Rybakoŭ. Vyjaŭlenyja złoŭžyvańni ŭ Bieraści: vybiraj, Daŭhaloŭ, ściežku fartuny. Prainfarmavaŭ Šejman prezydenta ab tym, kolki dalaraŭ skraŭ bankir Kraŭcoŭ, dyk što, vy dumajecie, znojdziecca taki sudździa, jaki navažycca ŭsumnicca ŭ vysnovach śledztva? Tak, jak bajacca Šejmana, apošni raz bajalisia pry Savieckim Sajuzie.
Z kracham prajektu biełaruska-rasiejskaj intehracyi baraćba z karupcyjaj iznoŭ vyjšła na pieradavuju va ŭnutranaj palitycy: zakonaprajekt ab baraćbie z karupcyjaj u dziaržavie ŭnios na razhlad pałaty pradstaŭnikoŭ sam prezydent. Adnak prajekt vyklikaŭ pratest apazycyjna nastrojenaj častki deputataŭ. Jany bačać u im niebiaśpieku dla raŭnavahi ŭ systemie siłavych strukturaŭ.
Pavodle prajektu, hałoŭnaj ź ich maje stać prakuratura, na jakuju ŭskładajucca funkcyi kaardynacyi dziejańniaŭ Dziaržkantrolu, MUS i KDB i jakoj dajucca nadzvyčajnyja paŭnamoctvy. «Jak u 37-m hodzie», — kaža Ŭładzimier Parfianovič.
Poŭny varyjant artykułu hladzicie ŭ hazecie "Naša Niva".
Hleb Chmialnicki, Mikoła Buhaj