Mitynh z partretami
U Horadni 1 traŭnia samy centar — Stary horad — skałanali vyhuki «Svabodu!», jakija skandavali sotni i tysiačy ludziej.
Takoha cikavaha mitynhu ŭ Horadni daŭno nie było, a što datyčyć «śviata pracy», dyk uvohule ŭ taki dzień zdaryłasia padobnaje ŭpieršyniu.
Načalstva zaŭsiody pilnaje ŭ tym, što datyčyć idealahičnaj cnatlivaści i addanaści pylnym ideałam. Kab ničoha niečakanaha i niepryjemnaha nia zdaryłasia. Tak było i sioleta. Načalstva kiravała pracesam i panavała nad sytuacyjaj.
Niezaležny prafsajuz samaha bujnoha pradpryjemstva «Azot» katorym razam marna paprasiŭ haradzkuju ŭładu dazvolić pravieści ŭłasny mitynh 1 traŭnia. I ŭłada «pad kapirku» štohod adkazvała: śviatkavać nie zabaraniajem, ale — razam z usimi, u miežach aficyjnaha mierapryjemstva. I sioleta scenar paŭtaryŭsia. Ažno napiaredadni načalstva pieradumała i vyrašyła źmianić taktyku dziela ŭratavańnia stratehii. Staršyniu prafsajuzu i adnačasova deputata harsavietu Siarhieja Antusieviča raptam u druhoj pałovie dnia 30 krasavika vyklikali ŭ vykankam i skazali: dazvalajem, pravodźcie svoj mitynh asobna, u inšym miescy (u Kałoskim parku), a pra našu raniejšuju zabaronu zabudźcie.
Sp.Antusievič vymušany byŭ ich rasčaravać: rabočyja papiaredžany, pryjduć na płošču Lenina, jak vy i skazali. Rabočyja «Azotu» vielmi darečna azdobili mitynh, uźniaŭšy vysoka-vysoka ažno čatyry bieł-čyrvona-biełyja ściahi ź litarami «BNP» i dva vielmi vialikija ściahi abjadnanaj Eŭropy. Načalstva niezadavolena pamorščyłasia, stojačy sprava ad bronzavaj statui (kali hladzieć z boku mitynhoŭščykaŭ). Adno pa-raniejšamu ciešyli vočy ściahi miasakambinatu na samym vidavoku.
Samy hałoŭny abłasny načalnik sp.Saŭčanka, nie zvažajučy na papsavanaje ŭražańnie ad mitynhovaha placu, pačaŭ tradycyjnuju pramovu. «Svabodu! Rabotu!» — vyhuknuŭ plac, sotni ludziej pačali plaskać, śvistać, halokać. Zajmalisia jany hetym, pakul abłasny kiraŭnik nia skončyŭ. Nichto ničoha ź jahonaj pramovy nie pačuŭ. Hetak ža adbyłosia i z nastupnymi pramoŭcami sa śpisu, jakija nia viedali, čym zamianić svaje ružovyja akulary, i razhublena prytrymlivalisia padrychtavanaha zahadzia tekstu.
Poŭny varyjant artykułu hladzicie ŭ hazecie "Naša Niva".
Siarhiej Maksimovič, Horadnia