Halereja «Januškievičy»
U miastečku Rakavie (Vałožynski rajon) adkryłasia pryvatnaja halereja «Januškievičy» i muzej.
Ich zasnavali braty Januškievičy, samyja viadomyja ź jakich — skulptar Valarjan i mastak Feliks. Halereja mieścicca pobač z kaściołam, apietym u «Narodnym albomie». U halerei na płoščy kala 500 kv.m raźmiaščajucca tvory bratoŭ Januškievičaŭ, a taksama ichnych siabroŭ. Akramia taho, tut možna pabačyć rakaŭskuju krajaznaŭča-histaryčnuju ekspazycyju — knihi, kieramičnyja j šklanyja vyraby, polskamoŭnyja i niamieckamoŭnyja šyldy j dakumenty. Samy kaštoŭny ekspanat — padarožny pracoŭny stolik Adama Mickieviča, — adzin z prodkaŭ Januškievičaŭ pracavaŭ u jaho sakratarom. Heta ŭžo druhi ŭ miastečku muzej. Pieršy, pryśviečany znakamitym litarataram Rakaŭščyny, zasnavaŭ inšy viadomy ŭradženiec Rakava — prafesar Viačasłaŭ Rahojša.