Tunel pad Mienskam isnuje
Pišu ŭ suviazi z publikacyjaj u apošnim numary «NN» adnosna hatelu «Eŭropa». Uvahu pryciahnuŭ kamentar sp.Uładzimiera Dzianisava adnosna tunelu pad vulicaj Lenina. Dziela infarmacyi chaču skazać, što taki tunel isnuje nasamreč.
U 1978 hodzie ja pracavaŭ u abjadnańni «Letapis» k/s «Biełaruśfilm». Pierad pačatkam budaŭnictva metro byŭ prabity tunel, jaki pačynaŭsia niedzie ŭ rajonie ciapierašniaj piviarni «Staroje rečyšča» na Pieršamajskaj, a zakančvaŭsia na Niamizie kala «Pracoŭnych rezervaŭ». Pa hetym tuneli pavinna była paciačy Śvisłač, kali metrabudaŭniki adkrytym sposabam źbiralisia prachodzić jaje kala parku Horkaha. My tady zdymali tak zvany «archiŭny materyjał», aperataram byŭ, kali nie pamylajusia, Anatol Ałaj. Paźniej ad «pasłuh» tunelu admovilisia. Tunel toj vialikaha dyjametru, prynamsi haradzki aŭtobus musić prajści. Ja asabista razam sa zdymačnaj hrupaj spuskaŭsia ŭ toj tunel u šachtu, jakaja znachodziłasia na rahu Lenina i Kirava, la budynku sudu. Kinastužka pavinna źbierahacca ŭ archivach «Biełaruśfilmu». Tak što kali tunel toj pašyryć, prapanova sp.Dzianisava robicca całkam realnaj.
Dźmitry Padbiareski