Śviata bieź śviatoha
Pa telebačańni idzie repartaž ź pieršamajskaj demanstracyi. Karespandent pytaje ŭ rabočaha: "Ź jakim nastrojem vy sustrakajecie pieršamaj?" Rabočy ŭ adkaz: "Dy pajšoŭ ty…" Karespandent, źviartajučysia da telehledačoŭ: "Voś tak, z žartami dy prykazkami, sustrakaje narod pieršamaj!" (Anekdot časoŭ pierabudovy).
1 traŭnia ŭžo adviačorkam viartałasia ź vioski. Nia słuchać mahiloŭskaha radyjo ŭ aŭtobusie było niemahčyma. Jano raŭło na ŭvieś salon štučna badziorymi hałasami:
— Jeŝio nikohda na diemonstracii nie było tak mnoho narodu!
Nu viadoma, kudy ž pracoŭny ad śviata pracy schavajecca! Dzie prymusili, dzie dadatkovuju premiju ŭ pamiery 10 tysiačaŭ vypłacili, adhuł paabiacali, dzie pastavili pierad vybaram: albo pracuj na 1 traŭnia, albo ŭdzielničaj u demanstracyi. Dzień napiaredadni i dva dni paśla ŭ horadzie tolki j platkaryli nakont taho, rabotniki jakoha pradpryjemstva vyhadniej na demanstracyju schadzili. Kožny raspaviadaŭ, nakolki karysnym było naviedańnie demanstracyi dla jaho asabista, a taksama dla jahonych svajakoŭ, susiedziaŭ, znajomych.
— Ja kak diriektor škoły mohu skazať, čto etot prazdnik očień lubiat naši dieti. Oni sami izjavili žiełanije idti na diemonstraciju! — ažno zachlipajecca ŭ mikrafon maładzica ad žadańnia ŭ radyjo trapić.
Poŭny varyjant artykułu hladzicie ŭ hazecie "Naša Niva".
Taciana Barysik, Mahiloŭ