Dobra pradumanaja histeryka
A.Łukašenka acharaktaryzavaŭ čatyroch čynoŭnikaŭ — Viktara Šejmana, Jurja Sivakova, Uładzimiera Navumava, Dźmitryja Paŭličenku — jak «samych sumlennych, nadziejnych, addanych narodu j dziaržavie ludziej».
A Zachad abvieściŭ nieŭjaznymi, bo ličyć ich datyčnymi da zabojstvaŭ. U adkaz na pasiedžańni Rady biaśpieki A.Łukašenka ahučyŭ dadatkovuju infarmacyju pra toje, što Zachad vynošvaje navat histeryčnyja plany siłavoha źniščeńnia prezydenta: «Vy im pieradajcie: niachaj da hetaha punktu pierachodziać adrazu, bo złamać mianie ŭ ich nia ŭdasca, što b jany ni rabili».
Takoha pałkaha vystupu my nia čuli ŭžo hady try. Chvałaśpieŭ na adras čatyroch asiłkaŭ hučaŭ hetki, nibyta jany ŭžo vynieśli svajho prezydenta z pola pieravarotu: «Pieradajcie: ni Šejmana, ni Navumava, ni Sivakova, ni Paŭličenki jany nie atrymajuć». Adkrylisia taksama tajamniča nieviadomyja historykam i žurnalistam epizody najnoŭšaje historyi: «Bačycie, Paŭličenka nie padabajecca. Paŭličenka, jaki hetych niahodnikaŭ spyniŭ na podstupach da rezydencyi try hady tamu, kali jany išli na šturm. I jany chočuć, kab ja Paŭličenku kinuŭ pad husienicy tankaŭ? Nia vyjdzie!»
Poŭnaściu hety artykuł možna pračytać u papiarovaj i pdf-versii "Našaj Nivy"
Mikoła Buhaj