Čas źbirać kamiani
Pačaŭsia zbor podpisaŭ z patrabavańniem pakinuć vałun Piłsudzkaha na Vialejščynie
Kamień Piłsudzkaha («NN» №41) užo 4 miesiacy znachodzicca na terytoryi rajonnych elektrasietak u Vialejcy. Vałun tudy pieravieźli krajaznaŭcy Anatol Rohač, jaki pracuje načalnikam hetaha pradpryjemstva, i Jaŭhien Pietrykievič. Jany pratestujuć suprać vyvazu pomnika ź Vialejskaha rajonu. Paśla publikacyjaŭ u «NN» dy «Rehijanalnaj hazecie» pačaŭsia zbor podpisaŭ z patrabavańniem ustalavać kamień Piłsudzkaha ŭ rajonie.
Na Vialejščynie tradycyjna šanujuć roznaha kštałtu vałuny, zaścierahalnyja kamiani i kamiennyja pomniki. Na ŭlik archieolahami pastaŭlenyja dziasiatki hranitaŭ i kvarcaŭ. Siarod ich — «Vieracišyn kryž» kala Kamiena, «kamień-šaviec» kala Kuranca, «kamiani-byki» la Ściebierakaŭ, siarod jakich adziny ŭ Biełarusi kamień z vyjavaj rohu-rytona, a ŭ rečyščy Vialli lažyć lehiendarny kamień «łysina Paca». Luboŭ da darunkaŭ apošniaha ledavika prajaŭlajecca taksama ŭ tym, što horad hustoŭna azdobleny alpijskimi horkami. Sapraŭdny šedeŭr — kamiennaja kampazycyja aŭtarstva Źmitra Abrazcova kala meblevaj fabryki.
Poŭnaściu hety artykuł možna pračytać u papiarovaj i pdf-versii "Našaj Nivy"
Usievaład Ścieburaka, Vialejka