Śviata Jazafata
Adznačeńnie ŭhodkaŭ pakutnickaje śmierci połackaha arcybiskupa Jazafata Kunceviča sioleta na Viciebščynie mieła kamerny charaktar.
Spačatku, 12 listapada, u katedry Śv.Barbary ŭ Viciebsku ryma-kataliki adsłužyli ŭračystuju imšu: śviaty Jazafat — taksama patron Viciebskaje katalickaje dyjacezii. A ŭžo na nastupny dzień uhodki śmierci adznačali hreka-kataliki.
Paśla śviatočnaj liturhii ŭ katedry, na bierazie Dźviny na Ŭśpienskaj horcy, dzie pryniaŭ śmierć śv.Jazafat, la kryža śv.Eŭfrasińni Połackaj adbyŭsia malebien.
Hreka-kataliki da hetaha času nia majuć svajho chramu ŭ abłasnym centry. Z rehistracyjaj na pačatku 90-ch unijackaje parafii Ŭvaskrasieńnia Chrystovaha ŭskładalisia marnyja spadzievy na toje, što im pieradaduć adbudavanuju Ŭvaskrasienskuju carkvu, jana koliś naležała ŭnijatam. Adnak jaje addali pravasłaŭnym. Hreka-katalickija šerahi ŭ Viciebsku, jak zrešty i ŭ Biełarusi, niešmatlikija.
U Połacku spravy lepšyja. Tut jość hreka-katalicki manastyr Śv.Barysa i Hleba ź nievialičkaj carkvoj Śv.Paraskievy Połackaj. Tam i byli praciahnutyja ŭračystaści. Napačatku, uviečary 13 listapada była adsłužana śviatočnaja viačernia, potym adbyłosia načnoje malitoŭnaje čuvańnie, jakoje pravioŭ ihumien manastyra jeramanach Lavonci Tumoŭski.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleś Trafimienka.