Volskaha nie puścili ŭ ZŠA
Pieršym nieŭjaznym u ZŠA paśla pryniaćcia «Aktu ab demakratyi ŭ Biełarusi» staŭ lehiendarny rok-muzyka: vizavy adździeł pasolstva ZŠA admoviŭ Lavonu Volskamu ŭ vizie.
Rok-muzyka chacieŭ trapić u ZŠA, kab 7 śniežnia ŭ haradku Rehabot-Bič, štat Dełaver, dać dabračynny kancert dla amerykancaŭ biełaruskaha pachodžańnia.
Pryčyn admovy ŭ vizie muzyku nie skazali: takaja suśvietnaja praktyka. Nie ŭdałosia daviedacca pra pryčyny j karespandentu «NN»: supracoŭnica vizavaha adździełu pasolstva patłumačyła, što nia maje prava davać kamentary. Sam Lavon tłumačyć mahčymyja pryčyny admovy moŭnymi prablemami: «Ja nia duža dobra viedaju anhielskuju. Supracoŭnica konsulskaj słužby kiepska vałodała naahuł słavianskimi movami. Jana, vidać, padumała, što ja jedu davać kamercyjny kancert».
Adam Voršyč