Kroŭ, šakalad, samaloty
Biełarusy ŭciahnutyja ŭ kanflikt u Kot-dJIvuary
Dahetul adzinym na 100% dakazanym biełaruskim śledam na Bierazie Słanovaj Kostki zastajecca pachodžańnie «baćki» źniščalnikaŭ «Su» Paŭła Suchoha, jaki naradziŭsia ŭ Hłybokim u 1895 h. A voś ci siadzieli biełarusy za šturvałami razmalavanych «pad akułaŭ» źniščalnikaŭ Su-25, jakija rasstralali dzieviać francuskich miratvorcaŭ dy adnaho amerykanca, dahetul nieviadoma. Ministarka abarony Francyi Mišel Aljo-Mary dy namieśnik kiraŭnika eŭrapiejskaha kamandavańnia ZŠA hienerał Čarlz Ŭołd śćviardžajuć, što tak.
Ministerstva abarony Kot- dJIvuaru pierakonvaje, što nalot ździejśnili ivuaryjskija piloty, a biełarusy-mechaniki tolki absłuhoŭvali samaloty. A MZS Biełarusi paviedamlaje, što hramadzian krainy pa dziaržaŭnaj linii ŭ Kot-dJIvuary ŭvohule niama.
«Jak ža niama, kali jość u mianie dakumenty — u mianie ŭ partfeli lažać: mižuradavaje pahadnieńnie pamiž Respublikaj Biełarusiaj i Kot-dJIvuaram ab vajskovaj uzajemadapamozie ŭ planie absłuhoŭvańnia techniki…» — aburyŭsia ŭ efiry radyjo «Svaboda» kamandzir bryhady z 15 avijataraŭ (siarod ich čatyry biełarusy), siedziačy ŭ aeraporcie stalicy krainy Abidžanie pad prycełami rasiejskamoŭnych žaŭnieraŭ francuskaha Zamiežnaha lehijonu (ci nie było j siarod ich našych suajčyńnikaŭ?). Praz tydzień avijataraŭ vyzvalajuć, pra što paviedamlaje navat MZS Rasiei, pakul naša MZS praciahvaje «praviarać źviestki».
Kali nia tolki ZŠA, ale j krainy Eŭraźviazu adna za druhoj ščylniej zajmalisia «biełaruskim pytańniem», Francyja trymałasia krychu ŭbaku. Ciapier i joj Biełaruś nastupiła na mazol. Ubłytanaść biełaruskich vajskoŭcaŭ u kanflikt u Kot-dJIvuary pahoršyć adnosiny z Francyjaj.
Tolki ŭ aŭtorak MZS Biełarusi pryznała, što siarod piatnaccaci avijataraŭ, zatrymanych Zamiežnym lehijonam, čaćviora sapraŭdy majuć biełaruskaje hramadzianstva. Miž tym, kliše «biełaruskija najmity» ŭžo zamacavałasia ŭ francuskaj presie.
Aleś Kudrycki
***
Ekanomika adnoj z samych bahatych (u minułym) krainaŭ Zachodniaj Afryki — Kot-dJIvuaru ŭžo šmat hadoŭ mocna zaležyć ad suśvietnych cen na kakavu dy kavu. Hetaja afrykanskaja kraina źjaŭlajecca hałoŭnym vytvorcam kakavy na planecie (41% suśvietnaj vytvorčaści) i ŭvachodzić u piaciorku najbujniejšych vytvorcaŭ kavy. Unikalny klimat dazvalaje źbirać dva ŭradžai kakavy na hod. U 15-miljonnym Kot-dJIvuary 800 tysiač čałaviek zadziejničany ŭ «kakavavaj» halinie. Praŭda, mnohija z rabotnikaŭ plantacyj nia majuć ivuaryjskaha hramiadzianstva, a mižnarodnyja ŚMI śćviardžajuć, što 90% kakavy vyrablajecca z vykarystańniem pracy dziaciej-niavolnikaŭ.
Poŭnaściu hety artykuł možna pračytać u papiarovaj i pdf-versii "Našaj Nivy"
Aleś Trafimienka