№ 401
«Naša Niva» pajšła na piatuju sotniu. Za šeść numaroŭ, z studzienia 2005 hodu jana pačnie vychodzić na 24 staronkach. Redakcyjnaje koła pradukuje stolki tekstaŭ, a ŭ biełaruskim nacyjanalnym žyćci adbyvajecca stolki padziejaŭ, što jany ŭžo nie źmiaščajucca na šasnaccaci staronkach. A jašče ž try hady tamu tyja šasnaccać zdavalisia takim dasiahnieńniem! Z Novaha hodu štonumar my budziem addavać pa try staronki pad naviny hramadzkaha i palityčnaha žyćcia i litaraturu z knižnymi ahladami, pa dźvie staronki pad specyjalnyja repartažy i mižnarodnyja paviedamleńni, pa poŭnaj staroncy pad sport i muzyku, try staronki pad kamentary i poštu. U piataj sotni numaroŭ «NN» možna budzie pračytać pra ŭsio. Pa-biełarusku, jasna.