Vałun Piłsudzkaha zastaniecca ŭ Vialejcy!
Historyja z memaryjalnym vałunom pamiaci Juzafa Piłsudzkaha («NN» №41, 43) atrymała praciah. Vialejski rajvykankam, zvažajučy na pratest hramadzkaści, pastanaviŭ pakinuć kamień na terytoryi rajonu. Nahadajem, što palaki chacieli jaho pieravieźci na terytoryju ambasady Polščy ŭ Miensku. Pa kamentary my źviarnulisia da vialejskaha krajaznaŭcy Alaksandra Zajcava i inicyjatara zboru podpisaŭ u abaronu pomnika Alaksieja Siudaka .
— Ciapier, kali pastanoŭlena kamienia nie vyvozić, treba vyrašyć, dzie jon budzie stajać. Jakoje mierkavańnie majuć ludzi, što nie dazvolili kamień vyvieźci?
Alaksandar Zajcaŭ: U Bućkach miesca hłuchoje, dajechać tudy ciažka. Lepš jaho pakinuć na terytoryi horadu Vialejki.
Alaksiej Siudak: U parku jaho možna pastavić. Druhoje narmalnaje miesca — terytoryja rajonnych elektryčnych sietak (dzie kamień i znachodzicca na siońnia. — Aŭt.). Tam lažać užo kamień Chodźki, žornaŭ, kamień-śledavik (kamiani valalisia pa rajonie biez nahladu, i tamu ich pieravieźli ŭ horad krajazŭnaŭcy). Chaj by časova, 10—20 hadoŭ, i kamień Piłsudzkaha palažaŭ tam. Chacia miesca pomnika tam, die jaho ŭstalavali adpačatku, u Bućkach, ale na siońnia jaho pakinuć u vioscy nielha. Piłsudzki — nia naš nacyjanalny hieroj. Ź jaho imiem źviazany nie najlepšyja staronki našaj historyi. Ale kali staić pomnik Leninu, to čamu nia moža być i pomnika Piłsudzkamu?
Poŭny varyjant artukułu čytajcie ŭ hazecie "Naša Niva"
Siarhiej Makarevič, Vialejka