Kinaabliččy Miensku
Miensku nie šancavała na kinavyjavy.
Čaściej jon padavaŭsia razburanym, zbambavanym, i tolki ruiny stralali ŭ čarhovaha akupanta.
Mirnaje žyćcio ŭvasobiłasia asobnymi dvorykami z čyścieńkimi klumbami, jakija źnikli jašče ŭ 60-ja hady — ale zachavalisia ŭ lohkaj karcinie «Našy susiedzi». Staryja budynki zastalisia i ŭ filmie «Kachanaja», jaki dasiul ździŭlaje mieścičaŭ zabytymi haradzkimi pejzažami.
Ale horad źmianiaŭsia, staranna źniščaŭ minuŭščynu j nabyvaŭ novuju aŭru. Heta šykoŭnaja j padmiecienaja aŭra abarončaha imperskaha horadu, upryhožanaja stalinskimi karunkami j kalarovym hipsam hastranomu «Centralny».
U nietrach hetaha horadu chavajecca strach i adasoblenaść, što było vydatna schoplena režyseram Mikałajem Lebiedzievym. Landšafty ź cieniami, tramvajami j muram atrymali płoć i kroŭ mańjačnaha tryleru «Pakłońnik», a hałoŭnaja bojka z kinavarjatam adbyłasia na dachu znakamitaje vakzalnaje viežy.
Rasiejskija režysery ŭvohule ŭpadabali Miensk u jakaści miesca zdymak. Ale ŭ vyniku horad adbirajecca ŭ mieścičaŭ i niezaŭvažna prypisvajecca Rasiei — ci jakoj inšaj krainie.
Poŭny varyjant artukułu čytajcie ŭ hazecie "Naša Niva"
Andrej Rasinski