Ukrainskaja Ŭkraina j biełaruskaja Biełaruś
Najnoŭšyja ŭkrainskija padziei jašče doŭha buduć analizavacca biełaruskimi palitolahami j palitykami.
Sapraŭdy, kaštoŭny materyjał dla rozdumu.
Tut darečy prydaŭsia apošni, piaty sioletni numar «Arche», u jakim rasiejskamoŭnyja i biełaruskamoŭnyja intelektuały našaj krainy spračajucca pra rolu i miesca biełaruskaj movy ŭ Biełarusi.
Padajecca mnie, nia varta kazać pra «šeruju, pasłuchmianuju masu», majučy na ŭviecie ŭkrainski ŭschod, — hetkaja metafara nie zusim taktoŭnaja. I ŭsio ž… U adroźnieńnie ad zachadu, jaki vystupaje za demakratyju, eŭrapiejski vektar raźvićcia, dziaržaŭnaść i rodnuju movu, rasiejskamoŭny ŭschod vystupaje suprać… Suprać Juščanki, ukrainskaj movy, paŭnacennaj niezaležnaści. Rasiejskamoŭny ŭschod deklaruje ab stvareńni aŭtanomii (jahonaja stol palityčnaha razvoju?), da kaštoŭnaściaŭ samastojnaj dziaržavy jon abyjakavy. Vystupać suprać — ci jość heta stvaralnaje imknieńnie?
Hledziačy suprać čaho, skažacie vy. Možna vystupać suprać tyranii, despatyzmu, ekanamičnaj stahnacyi — ci budzie heta admoŭnym žadańniem? Nie, viadoma, kali ŭzamien tyranii budzie prapanoŭvacca niešta prahresiŭnaje.
Najaŭnaść nacyjanalnaha ruchavika ŭkrainskaj «aranžavaj» revalucyi daje nam spadzieŭ i vieru. Kali budzie mahčymaja ŭkrainskaja Ŭkraina, dyk čamu nia być mahčymaj biełaruskaj Biełarusi?
Aleś Arkuš, Połacak