Zvarot piśmieńnikaŭ da raspaŭsiudnickich arhanizacyj
Dyrektaru RUP «Biełsajuzdruk» Padhajnamu M.V.
V.a. dyrektara UP «Mienharsajuzdruk» Ivinskaj T.I.
Šanoŭnyja kiraŭniki arhanizacyj, što raspaŭsiudžvajuć presu!
Źviartajemsia da Vas z prośbaj paspryjać tamu, kab u hazetnych šapikach źjavilisia isnujučyja litaraturna-mastackija časopisy «Dziejasłoŭ» i «Arche-Pačatak». Hetyja vydańni robiać vialikuju spravu papularyzacyi biełaruskaha słova, biełaruskaje dumki. Jany pracujuć niešablonna, zmahajucca za svaju aŭdytoryju.
Prykraja niedarečnaść, što časopisu «Dziejasłoŭ» było admoŭlena ŭ zaklučeńni damovy na raspaŭsiud, a damova na raspaŭsiud časopisa «Arche-Pačatak» była razarvana ŭ listapadzie. Miž tym viartańnie časopisa «Arche-Pačatak» pa UP «Minharsajuzdruk» za dva apošnija hady nie pieravyšała 20—30%, što vielmi mała navat pa eŭrapiejskich mierkach jak dla litaraturna-mastackaha vydańnia i pakazvaje na prybytkovaść raspaŭsiudu intelektualnych časopisaŭ. Kali ž pa RUP «Biełsajuzdruk» viartańnie časam i budzie bolšaje, dyk ci nia varta prosta aptymizavać rehijanalnuju raskładku prodažu vydańniaŭ ci kolkaść pradavanych asobnikaŭ? Adsutnaść časopisu ŭ prodažy aznačaje, što spažyŭcy niedzie ŭ Lidzie ci Łunincy zusim nia majuć mahčymaści znajomicca z navinkami biełaruskaje i suśvietnaje litaratury.
Nie rabicie hrachoŭ pierad ajčynaj, pierad słovam dziadoŭ i pradziedaŭ, aščadžajcie i abaraniajcie biełaruskaje słova! Prosim Vas znajści mahčymaść, kab u šapikach i kramach źjavilisia litaraturna-mastackija časopisy «Dziejasłoŭ» i «Arche-Pačatak».
Aleś Badak, Lavon Barščeŭski, Piotra Vasileŭski, Anatol Viarcinski, Aleś Žuk, Siarhiej Zakońnikaŭ, Vasil Zujonak, Volha Ipatava, Anatol Kudraviec, Aleś Masarenka, Uładzimier Niaklajeŭ, Uładzimier Siŭčykaŭ, Michaś Skobła, Kastuś Ćvirka