Himn ukrainskaj revalucyi
«Machinacyjam — nie! Nie — manie! My nia bydła! My nie kazły! My Ŭkrainy dočki j syny! Zaraz ci nikoli! Hodzie čakać! Nas šmat, nas nie pieramahčy!»
Hety rep śpiavaje siońnia ŭvieś Kijeŭ. Jon hučyć paŭsiul — jaho rytm niasiecca z teleekranaŭ, ustanoŭlenych ŭ namiotavym miastečku na Chraščaciku, pierad Viarchoŭnaj Radaj i na apazycyjnym «Piatym kanale», z taksi i mašyn, jakija jeździać pa Kijevie z aranžavymi ściahami ŭ adčynienych voknach.
Słovy «Razom nas bahato, nas ne podołaty!» (nas nie pieramahčy) stali himnam Aranžavaj revalucyi, čaradziejnym kličam, jaki jadnaje ludziej i daje nadzieju na pieramohu. «Ja hanarusia tym, što my napisali pieśniu, jakaja daje ludziam siły ŭ zmahańni za praŭdu. Ciapier jaje śpiavaje ŭsia Ŭkraina. Ci moža być niešta bolš pryjemnaje dla muzykanta?» — kaža Raman Kałyn, lider hurtu «Hryndžoły» ź Ivana-Frankoŭsku, jaki zapisaŭ «Razam nas bahata».
Poŭny varyjant artukułu čytajcie ŭ hazecie "Naša Niva"
Pieśni ŭkrainskaj revalucyi možna zhruzić ź internet-staronki http://artvertep.dp.ua
Aleś Trafimienka; pavodle gazeta.pl