Rehistracyja — reč patrebnaja
Na spravazdačna-vybarnaj kanferencyi Partyi BNF 6 sakavika budzie abrany novy staršynia Mienskaj abłasnoj arhanizacyi. Pretenduje na hetuju pasadu Alaksiej Kazłoŭski, ź jakim pahutaryŭ karespandent «NN».
— Čamu Vy vyrašyli vyłučyć svaju kandydaturu na hetuju pasadu ŭ taki ciažki dla palityčnaje dziejnaści čas?
— U partyi jość ludzi, jakija dziejničajuć užo šmat hadoŭ, i jany stamilisia. Dumaju, što mnie ŭdasca pryŭnieści novuju enerhiju.
— U čym budzie zaklučacca dziejnaść?
— Pa-pieršaje, ja chacieŭ by pryciahnuć u partyju novych ludziej. Pa-druhoje, chaču zaniacca navučańniem partyjnych aktyvistaŭ. U ludziej jość dobry dośvied udziełu ŭ kampanijach, ale niama dośviedu partyjnaha budaŭnictva. Treci momant źviazany ź pierarehistracyjaj partyjnych struktur. Potym, kali ŭsia hetaja šumicha ścichnie, usio adno treba budzie adnaŭlać partyjnyja supołki, bo aficyjnaja rehistracyja daje šmat pieravah: heta i mahčymaść vyłučać kandydataŭ u deputaty, i mahčymaść uvachodzić u kamisii…
Arkadź Šanski