Karelickaja rajonnaja hazeta «Połymia» piša pra toje, jak rabočaja klasa ŭ sajuzie z kałhasnym sialanstvam, kiravanaja kamunistami, pieramahła ŭ apošniaj vajnie. Heta adkaz Eŭropie, što nadumałasia sudzić kamunizm.
Artykuł vykładčyka haradzienskaha dziaržaŭnaha ŭniversytetu Ŭładzimiera Jahoryčava «Była vajna…» jość adkazam na namiery Eŭropy asudzić kamunizm. «Siahońnia Eŭropa, uratavanaja savieckim sałdatam, źbirajecca sudzić kamunizm» — piša dacent haradzienskaha ŭniversytetu. Kolki razoŭ u artykule sustrakajecca ŭzhadka pra «fašystoŭskuju Eŭropu», pieramožanuju vyklučna dziakujučy vysiłkam kamunistaŭ: «Hałoŭnaja krynica Vialikaj Pieramohi SSSR i parazy fašystoŭskaj Eŭropy — heta pieravyšajučaja mahutnaść maładoha kamunizmu ŭ asobie Sajuza Savieckich Sacyjalistyčnych Respublik, heta mahutnaść savieckaha narodu, jaki pieraŭzyjšoŭ voraha ŭ duchova-maralnym, arhanizacyjna-palityčnym, ekanamičnym i ŭłasna vajskovym planie. Pieramohu atrymała savieckaja pracoŭnaja klasa ŭ sajuzie z kałhasnym sialanstvam, kiravanym Kamunistyčnaj partyjaj pry padtrymcy mižnarodnaha ruchu Supracivu, jadrom i dušoj jakoha byli kamunisty…Tolki nienaviśniki ŭsiaho savieckaha mohuć «zabyć», što fašystoŭskaja Eŭropa pryjšła na savieckuju ziamlu ź planami źništažeńnia 80% nasielnictva SSSR».
Aŭtar prychodzić da vysnovy, što sučasnaja eŭrapejskaja demakratyja tojesnaja nacyzmu i zakidaje zachodniaj cyvilizacyi takija vynachodnictvy, jak kanlahiery i karnyja aperacyi. Pryvodziacca j słovy prezydenta pra damaroščanych demakrataŭ, što ačarniajuć savieckaje minułaje dy nazyvajuć fašysckich zachopnikaŭ vyzvalicielami ad balšavicka-tatalitarnaha režymu.
Naprykancy artykułu sp. Jahoryčaŭ padsumoŭvaje: «Doŭh sučaśnikaŭ — śviata šanavać, abierahać i pamnažać tradycyi starejšych pakaleńniaŭ. Viedańnie histaryčnaj praŭdy — naša hałoŭnaja zbroja».
Łukašenka pamiłavaŭ eks-kiraŭnika svajoj achovy Uciuryna6
Kamientary