Kryminalnaja sprava ŭ dačynieńni da baranavickaha aktyvista Jarasłava Hryščeni padoŭžana jašče na dva miesiacy.
Siońnia moładzievy aktyvist Jarasłaŭ Hryščenia chadziŭ pa poźvie ŭ baranavickuju rajonnuju prakuraturu. Śledčaja Julija Askaldovič paviedamiła chłopcu, što jahonaja kryminalnaja sprava padoŭžana jašče na dva miesiacy. Jarasłava padazrajuć u parušeńni artykułu 193 KK «Dziejnaść ad imia niezarehistravanaj arhanizacyi». U piatnicu ŭ sud pieradali analahičnuju spravu Ivana Šyły, salihorca najchutčej buduć sudzić u žniŭni.
Taksama siońnia śledčaja Askaldovič skazała Hryščeniu, kab praz dva dni jon prajšoŭ psychaneŭralahičnuju ekspertyzu. U sieradu Jarasłaŭ, sapraŭdy, źbirajecca iści ŭ baranavicki psychaneŭralahičny dyspanser na pravierku.
Zaŭtra a 11:00 Ivan Šyła i Jarasłaŭ Hryščenia dajuć pres‑kanferencyju na ŭpravie BNF.
Kamientary