U Kitai budaŭniki źnieśli piacipaviarchovy dom, jaki stajaŭ prosta pasiaredzinie niadaŭna pabudavanaj aŭtamahistrali, bo jaho haspadar Lu Baahien pahadziŭsia pierajechać u inšy budynak za kampiensacyju.Raniej z-za admovy 67-hadovaha fiermiera ŭładam pryjšłosia budavać zapłanavanuju trasu tak, kab jana ahinała dom.
Kali ŭłady horada Vienlinh pravincyi Žedžyanh na ŭschodzie Kitaja vyrašyli pravieści tut darohu, jany źnieśli žyły rajon, pierasialiŭšy jaho žycharoŭ. Ale siamja Lu Baahiena admoviłasia rasstavacca ź nieruchomaściu, paličyŭšy, što na prapanavanuju ŭładami kampiensacyju novy dom u inšym miescy nie pabudavać, tamu pierajazdžać admoviłasia.
I para była vymušanaja žyć pasiarod chutkasnaj aŭtamahistrali ŭ domie, jaki pastupova razburaŭsia. Šaša pakul nie dabudavana, i jeździać pa im tolki miascovyja žychary i tyja, chto admysłova pryjechaŭ pahladzieć na hety cud.Stamiŭšysia pierakonvać pažyłuju paru źjechać z budynka, ułady prakłali šašu vakoł doma.
Paśla taho, jak fiermier, što zajmajecca raźviadzieńniem kačak, admoviŭsia padpisvać pahadnieńnie pra jaho znos, jaho ŭčynak staŭ aktyŭna abmiarkoŭvacca karystalnikami sacyjalnych sietak va ŭsim śviecie, a piacipaviarchovy budynak - znakam pratestu suprać prymusovaha znosu ŭłasnaści.
I ŭsio ž Lu doŭha nie vytrymaŭ, i praź niekatory čas dobraachvotna pahadziŭsia pakinuć svoj dom pry kampiensacyi 260 tys. juaniaŭ ($ 41 700).Spačatku Lu admaŭlaŭsia ad kampiensacyjnaha pakieta, ale paśla sustrečy ź miascovymi čynoŭnikami źmianiŭ svajo mierkavańnie.
Kamientary