Na Novy hod u Biełarusi čakajecca kamfortnaje dla zimy nadvorje. Pra heta paviedamiŭ načalnik słužby hidramietearałahičnych prahnozaŭ Respublikanskaha hidramieteacentra Dźmitryj Rabaŭ 20 śniežnia na pres-kanfierencyi ŭ Minsku.
Pavodle jaho słoŭ, nadvorje budzie spryjalnym dla praviadzieńnia navahodnich śviat.
U načnyja hadziny čakajecca minus 3—8°S, u dzionnyja hadziny — minus 1—6°S.Pry hetym čakajecca nievialiki karotkačasovy śnieh i słaby viecier. Takoje nadvorje zachavajecca i na pravasłaŭnyja Kalady.
Pavodle słoŭ Rabava, u najbližejšyja dni, 21—23 śniežnia, u Biełarusi zachavajecca maroznaje nadvorje.U piatnicu nočču budzie bieź istotnych apadkaŭ, dniom miescami nievialiki śnieh. Na asobnych učastkach daroh hałalodzica. Tempieratura pavietra minimalnaja nočču minus 11—17°S, pa ŭschodzie minus 18—23°S, maksimalnaja dniom 9—15°S marozu.
U subotu ŭ Biełarusi čakajecca časam śnieh, słabaja zavieja. Na darohach miescami śniežnyja zanosy, hałalodzica. Tempieratura pavietra na praciahu sutak minus 8—14°S, nočču pa paŭnočnym uschodzie pry prajaśnieńniach da minus 15—20°S.
U niadzielu ŭ paŭdniovych i centralnych rajonach miescami prahnazujecca karotkačasovy śnieh. Na asobnych učastkach daroh hałalodzica. Tempieratura pavietra na praciahu sutak minus 10—17°S, nočču pry prajaśnieńniach da minus 18—22°S.
24—25 śniežnia ŭ Biełarusi marazy ŭzmocniacca.U paniadziełak u asobnych rajonach krainy projdzie nievialiki śnieh, na asobnych učastkach daroh hałalodzica. Tempieratura pavietra na praciahu sutak minus 13—20°S, nočču pry prajaśnieńniach minus 21—25°S.
U aŭtorak nočču čakajecca pieravažna biez apadkaŭ. Dniom pa zachodniaj pałovie krainy projdzie karotkačasovy śnieh, miescami zavieja, uzmacnieńnie vietru z paryvami da 15—20 m/s. Tempieratura pavietra minimalnaja nočču minus 13—20°S, pa ŭschodniaj pałovie pry prajaśnieńniach minus 21—25°S. Maksimalnaja dniom minus 8—15°S, pa zachadzie minus 4—7°S.
Jak adznačyŭ Rabaŭ, z-za vysokaj vilhotnaści i vietru pry ŭzmacnieńni marazoŭ tempieratura pa adčuvańniach budzie zdavacca nižejšaj na 5—6°S.
Jak paviedamiŭ sinoptyk, z 26 śniežnia ŭ Biełarusi pačniecca asłableńnie marazoŭ.
26 śniežnia na bolšaj častcy terytoryi projdzie śnieh, mokry śnieh, zavieja, śniežnyja zanosy, uzmacnieńnie vietru z paryvami da 15—20 m/s. Tempieratura pavietra minimalnaja nočču minus 4—10°S, pa ŭschodzie minus 11—16°S, maksimalnaja dniom 0°S — minus 7°S.
27—28 śniežnia nočču ŭ Biełarusi budzie minus 1—5°S, dniom u šmatlikich rajonach prahnazujecca adliha — kala 0°S. U paŭdniovych rehijonach, u Bresckaj i Homielskaj vobłaści, tempieratura padnimiecca da plus 1—4°S.
Adnak, pavodle słoŭ Rabava, adliha budzie niadoŭhaj, i da Novaha hoda ŭ krainie znoŭ pachaładaje.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym4
Kamientary