Lider demakratyčnych sił Alaksandar Milinkievič nakiravaŭ zvarot da staršyni Kamitetu dziaržaŭnaj biaśpieki Ściapana Sucharenki i staršyniaŭ abłasnych upraŭleńniaŭ KDB z patrabavańniem spynić pieraśled za inšadumstva studentaŭ, jakija navučajucca za miažoj pa prahramach dla represavanaj moładzi.
«U apošni čas z boku supracoŭnikaŭ Kamiteta dziaržaŭnaj biaśpieki pašyryłasia praktyka pieraśledu i cisku na navučencaŭ prahramy imia K. Kalinoŭskaha. Supracoŭniki kamitetu zaprašajuć studentaŭ‑kalinoŭcaŭ na razmovy na pryvatnych kvaterach, sustrakajuć ich na čyhunačnych vakzałach, kali stypiendyjaty prahramy viartajucca ŭ Biełaruś na vakacyi, naviedvajuć studentaŭ i ich baćkoŭ na ŭłasnych kvaterach i pa miescu pracy. Niaredka supracoŭniki kamiteta sprabujuć schilić udzielnikaŭ prahramy imia K.Kalinoŭskaha da tak zvanaha «supracoŭnictva»», — havorycca ŭ zajavie lidera demakratyčnych sił.
Alaksandr Milinkievič źviartaje ŭvahu na toje, pavodle najaŭnych u jaho kamandy šmatlikich faktaŭ, supracoŭniki Kamitetu dziaržaŭnaj biaśpieki padčas kantaktaŭ z navučencami prahramy imia K. Kalinoŭskaha nieadnarazova vykarystoŭvali ŭ svajoj pracy mietady, jakija parušajuć pieraličanyja pałažeńni Kanstytucyi Respubliki Biełaruś.
«Infarmacyja pra fakty cisku na moładź — udzielnikaŭ prahramy K.Kalinoŭskaha z boku Kamitetu dziaržaŭnaj biaśpieki, a taksama pra asoby datyčnyja da hetaha, źjaŭlajecca pradmietam pilnaj uvahi z boku hramadzianskaj supolnaści. Usim hetym faktam budzie nadavacca hramadskaja i mižnarodnaja ahałoska», — padkreślivajecca ŭ zvarocie łaŭreata premii Jeŭrapiejskaha Parłamientu imia Andreja Sacharava «Za Svabodu dumki»
Alaksandr Milinkievič zaklikaje supracoŭnikaŭ KDB u budučym ustrymacca ad praktyki palityčna matyvavanaha pieraśledu hramadskich aktyvistaŭ i spynić cisk, zapužvańnie i sproby viarboŭki ŭ dačynieńni da studentaŭ‑stypiendyjataŭ prahramy imia K.Kalinoŭskaha.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary