Siońnia milicyja nie blakavała płošču i nie pierakryvała vychadaŭ z metro, tamu dostup na plac byŭ volnym. Niedzie a 17.50 na płoščy źjavilisia kala 40 hramadzkich aktyvistaŭ. Siarod prysutnych byli Kryścina Šacikava i Valer Ščukin. Bolšaść udzielnikaŭ akcyi trymała ŭ rukach partrety palitviaźnia Andreja Klimava.
Niedzie praź piać chvilin źjavilisia 20 karotkastryžanych chłopcaŭ, jakija akružyli ščylnym kalcom udzielnikaŭ akcyi. Jašče praz try chviliny ich vycisnuli na vulicu Enhielsa i paviali ŭ bok Makdonaldsu.
18:03
Na płoščy zastalisia 50 čałaviek. Źjaviŭsia staršynia AHP Anatol Labiedźka, maładafrontaŭcy Barys Harecki, Źmicier Chviedaruk, Nasta Pałažanka, jakuju na niekatory čas zatrymlivali pierad pačatkam akcyi na padychodzie da Kastryčnickaj. Źjavilisia taksama specnazaŭcy, jakija pasprabavali vycisnuć ludziej z Płoščy.
18:10
20 čałaviek, trymajučy ŭ rukach partrety Źmitra Daškieviča i Andreja Klimava, zładzili žyvy łancuh perpedykularna Pałacu Respubliki.
18:20
Milicyjanty sprabujuć adsunuć ludziej ad praspektu. Milicyjantaŭ čałaviek siem-vosiem. Patencyjnych udzielnikaŭ akcyi kala 100 čałaviek. Ale nie chapaje drajvu, zaznačajuć raźziavaki.
18.28
Na Płoščy nikoha nie zastałosia. Čałaviek dvaccać vycisnuli ŭ bok Vierchniaha horadu.
***
Pavodle apošniaj infarmacyi, abiedźvie hrupy ŭdzielnikaŭ daviali da vulicy Hrybajedava i prapanavali razychodzicca. Pakolki milicyja sama nie razychodzicca, to i ŭdzielniki akcyi nie razychodziacca.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary