Dvaccać hramadzian Turkmienistana i Uźbiekistana zatrymanyja ŭ Minsku za drobnaje chulihanstva na navahodnich hulańniach.Pra heta paviedamiŭ siońnia na apieratyŭnaj naradzie namieśnik načalnika HUUS Minharvykankama — načalnik milicyi hramadskaj biaśpieki Alaksandr Ioskin.
U rajonie Pałaca sportu vychadcy ź Siaredniaj Azii (kala sta čałaviek) pavodzili siabie nieprystojnym čynam u adnosinach adzin da adnaho i navakolnych, zakliki supracoŭnikaŭ pravaachoŭnych orhanaŭ spynić supraćpraŭnyja dziejańni vyklikali z boku parušalnikaŭ pravaparadku nieadekvatnyja dziejańni.
«Jany sprabavali akazać supraciŭ supracoŭnikam milicyi, u vyniku było zatrymana 20 čałaviek, ź jakich 18 — hramadzianie Turkmienistana, studenty roznych navučalnych ustanoŭ Minska, dvoje — hramadzianie Uźbiekistana, rabotniki zamiežnaha pradpryjemstva.Na ich składzienyja pratakoły ab drobnym chulihanstvie», — adznačyŭ Alaksandr Ioskin, dadaŭšy, što dalejšy los zatrymanych, mahčymaść ich znachodžańnia ŭ Biełarusi razhledzić sud Kastryčnickaha rajona.
Parušalniki-zamiežniki zatrymanyja dla praduchileńnia mahčymych kanfliktnych situacyj, bo napiaredadni Novaha hoda ŭ 19.40 na stancyi mietro «Kupałaŭskaja» adbyŭsia kanflikt pamiž hramadzianami Biełarusi i tryma vychadcami Azijackaha rehijonu, jaki spynieny supracoŭnikami milicyi.
«Z ulikam navahodnich śviataŭ i adsutnaściu pretenzij adzin da adnaho paśla praviedzienaj prafiłaktyčnaj pracy dadzienyja asoby byli adpuščanyja», — adznačyŭ Alaksandr Ioskin.