«Biełaruśfilm» admoviŭsia ekranizavać «Kałasy pad siarpom tvaim»
Na kinastudyi admovu tłumačać drennym scenaram, scenaryst miarkuje, što čynoŭnikaŭ napałochali bieł-čyrvona-biełyja ściahi ŭ rukach paŭstancaŭ.
Zdymać film pavodle knihi Uładzimira Karatkieviča «Kałasy pad siarpom tvaim» «Biełaruśfilm» nie budzie. Pryčyna, tłumačyć Jeŭraradyjo načalnik adździeła realizacyi i rekłamy kinastudyi Michaił Kaciušenka, u scenary.
«Ja i sam hladzieŭ scenar… Heta nie scenar, a, skažam tak, prosta pierakaz ramana.Proza adroźnivajecca ad scenara, viedajecie. Tamu niejak, tak by mović, i nie syšlisia», — kaža Kaciušenka.
Nad novym scenaram, jak adznačaje surazmoŭca, nichto nie pracuje. Tamu samu ideju filma pavodle hetaha ramana na «Biełaruśfilmie» adkłali «ŭ zapaśniki».
Nazvanaja supracoŭnikam kinastudyi pryčyna zamarozki prajekta ździviła scenarysta Alaksandra Kačana.
«Scenar razhladaŭsia niekalki hadoŭ tamu — na pasiadžeńni Ekśpiertnaj rady pry Ministerstvie kultury i na „Biełaruśfilmie“. Scenar byŭ pryniaty i apłačany.U tym liku, spačatku była čatyrochsieryjnaja viersija, a potym — prakatnaja paŭnamietražnaja. Abodva scenary byli pryniatyja!»
Darečy, Alaksandr Kačan viadomy pa našumiełych stužkach «Akupacyja. Misteryi» i «Masakra». I tamu padazravać, što jon nie viedaje, jak pišucca scenary, nie vypadaje. U samoha scenarysta dźvie viersii zamarozki prajekta. Pieršaja — u kinastudyi siońnia banalna niama hrošaj na zdymki takoha bujnamaštabnaha prajekta.
«Kali my abmiarkoŭvali scenar z byłym ministram Łatuškam, heta niepasredna ad jaho byŭ taki zakaz, vyhladała inakš sacyjalnaja i ideałahičnaja atmaśfiera ŭ krainie.Film zadumvaŭsia u inšaj sacyjalnaj atmaśfiery, čym panuje ŭžo niekalki hadoŭ u Biełarusi. Tamu ja nie ździŭleny zusim tym, što jaho adkłali. I byŭ by ździŭleny, kali b hety film zaraz pačaŭ realizoŭvacca — zaraz heta za dziaržaŭnyja hrošy naŭrad ci buduć zdymać».
Sapraŭdy, pavodle scenara, paŭstancy pavinny byli zmahacca za svabodu krainy pad
Na dumku Kačana, usio vyšejpieraličanaje nijakaj niebiaśpieki isnujučaj uładzie nie niasie, jak i nijakaj «padryŭnoj» ideałohii.Tamu, ličyć scenaryst, najchutčej novaje kiraŭnictva «Biełaruśfilma» i Minkulta prosta
Pa tłumačeńni pryčynaŭ admovy zdymać «Kałasy pad siarpom tvaim» my źviarnulisia źviartajecca ŭ Departamient pa kiniematahrafii Minkulta. Ale tam kateharyčna admaŭlajucca ad lubych kamientaroŭ.
Praŭda, adzin z čynoŭnikaŭ ahučyŭ viersiju, što pryčyna ŭ… palakach. Maŭlaŭ, płanavałasia zdymać film sumiesna z polskimi kiniematahrafistami, za «sumiesnyja» hrošy, ale damoŭlenaści dasiahnuć nie ŭdałosia.
Cikava, nichto z surazmoŭcaŭ ni słova nie skazaŭ pra toje, što scenarystu pažadana było b viarnuć hrošy za «łažovy» scenar.
Zhodna sa słovami Michaiła Kaciušenki, u nastupnym hodzie płanujuć pačać zdymki pavodle ramana «Čorny zamak Alšanski». Miž tym, film pavodle hetaha ramana Uładzimira Karatkieviča ŭžo byŭ źniaty «Biełaruśfilmam» — u 1984 hodzie režysioram Michaiłam Ptašukom.Darečy, ad ekranizacyi tvoraŭ Karatkieviča na «Biełaruśfilmie» nie admaŭlajucca.
Kamientary