Vieličynia admoŭnaha salda źniešniehandlovych apieracyj z Rasijaj pavialičyłasia z 2 młrd. 675,9 młn. dołaraŭ u studzieni‑mai 2006 hoda da 2 młrd. 710,2 młn. dołaraŭ u studzieni‑mai 2007 hoda.
Asnoŭnaj krynicaj farmavańnia admoŭnaha salda źniešniaha handlu źjaŭlajucca ekspartna‑impartnyja apieracyi z pramiežkavymi tavarami (enierhanośbity, syravina, materyjały i kamplektavalnyja). Za piać miesiacaŭ u krainu ŭvieziena pramiežkavych tavaraŭ na 7 młrd. 271,5 młn. dołaraŭ, abo na 19,4% bolš, čym za adpaviedny pieryjad minułaha hoda. Ekspart pramiežkavych tavaraŭ skłaŭ 5 młrd. 987,6 młn. dołaraŭ. Vieličynia admoŭnaha salda źniešniaha handlu pramiežkavymi tavarami pavialičyłasia z 697,5 młn. dołaraŭ u studieni‑mai 2006 hoda da 1 młrd. 283,9 młn. dołaraŭ u studzieni‑mai 2007 hoda.
Enierhietyčnyja tavary zajmajuć 46,6% ekspartu i 46,2% impartu pramiežkavych tavaraŭ. Na źniešni rynak ich pastaŭlena na 2 młrd. 788,4 młn. dołaraŭ, što na 10,2% mienš, čym za anałahičny pieryjad minułaha hoda. Pry hetym skłałasia admoŭnaje salda handlu enierhanośbitami ŭ 523,9 młn. dołaraŭ, u toj čas jak u studzieni‑mai 2006 hoda jano było stanoŭčym i składała 43,6 młn. dołaraŭ.
Istotny rost admoŭnaha salda źniešniaha handlu enierhietyčnymi tavarami źviazany najpierš sa spynieńniem ekspartnych pastavak nafty, abjom jakich za piać miesiacaŭ składaŭ 292,6 młn. dołaraŭ, i rostam vartasnaha abjomu impartu pryrodnaha hazu (na 436,8 młn. dołaraŭ), vyklikanym pavieličeńniem jaho cany bolš čym udvaja. Pry hetym adbyłosia źnižeńnie vartasnaha abjomu impartu nafty (na 140,1 młn. dołaraŭ) z‑za źmianšeńnia na 17,7% pastavak u kolkasnym vyražeńni.
Inšych pramiežkavych tavaraŭ impartavana na 3 młrd. 909,2 młn. dołaraŭ (na 29,1% bolš), ekspartavana — na 3 młrd. 199,2 młn. dołaraŭ (na 39,9%). Vieličynia admoŭnaha salda źniešniaha handlu inšymi pramiežkavymi tavarami źmienšyłasia na 31,1 młn. dołaraŭ.
